Reklam
Novxanıda hotel yanır - VİDEO
Prezident İlham Əliyevə Kiyev Milli İnşaat və Memarlıq Universitetinin fəxri doktoru adı verilib
Rövşən Nəcəf tənqid edildi: “Peşəkarlar qaz iyi gələn yerdə yox, ətir iyi gələn kabinetlərdə var?”

Elçin Əmirbəyov: Cənubi Qafqaza strateji rol qazandırmaq üçün unikal imkan yaranıb

Cənubi Qafqaz qlobal bağlantılar baxımından mühüm strateji körpü rolunu oynaya bilər.

 

Bu barədə Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov Antalya Diplomatiya Forumu çərçivəsində keçirilən panel sessiyada bildirib.

 

Elçin Əmirbəyovun fikrincə, keçmiş münaqişələr səbəbindən Cənubi Qafqaz uzun müddət beynəlxalq diqqətdən kənarda qalıb, lakin hazırda regiona yenidən strateji rol qazandırmaq üçün unikal imkan yaranıb.

 

Belə ki, Cənubi Qafqazda sabitliyin möhkəmləndirilməsi və beynəlxalq aktorların proseslərə cəlb olunması regionun dayanıqlılığına mühüm töhfə verə bilər.

 

O deyib ki, tərəfdaşlarla müzakirə olunan təşəbbüs və ideyaların real nəticəyə çevrilməsi uğur üçün əsas şərtdir.

 

Elçin Əmirbəyovun sözlərinə görə, regional bağlantılara investisiya yalnız infrastruktur layihələrinə deyil, həm də sülhə, uzunmüddətli sabitliyə və dayanıqlılığın gücləndirilməsinə yönəlmiş sərmayədir.

 

O vurğulayıb ki, bu sahədə əsas risklərdən biri geosiyasi rəqabət və məsələlərin fərqli aktorlar tərəfindən müxtəlif cür qavranılmasıdır: “Buna görə də Azərbaycan çalışır ki, heç bir layihə hər hansı tərəfin maraqlarına qarşı yönəlmiş kimi qəbul olunmasın. Bizim yanaşmamız “qazan-qazan” prinsipinə əsaslanır. Bu prosesdə birbaşa iştirak etməyən tərəflər üçün də potensial faydalar mövcuddur və ümid edirik ki, gələcəkdə daha çox tərəfdaş bu təşəbbüslərə qoşulacaq”.

 

Elçin Əmirbəyov nəticələrin zamanla daha aydın görünəcəyini diqqətə çatdırıb. O əlavə edib ki, Azərbaycanın son 20 ildə həyata keçirdiyi infrastruktur layihələri əsasən daxili resurslar və strateji tərəfdaşlarla əməkdaşlıq nəticəsində reallaşıb.

 

APA
Tarix: 18 Aprel 2026, 13:54   
Xəbər lenti
Çox oxunanlar
Maaş artımı ilə bağlı yeni qərar kimlərə şamil olunacaq?
19 May 11:05 Sosial
Qızıl ucuzlaşdı - VİDEO
18 May 22:42 Sosial
Nura Suri bələdiyyədən narazıdır
18 May 22:03 Sosial
Naxçıvan reysləri ləğv edildi - SƏBƏB
18 May 21:34 Hadisə
Tanınmış teleaparıcı “TikTok”da onun barəsində paylaşım edən şəxsi məhkəməyə verdi – QƏRAR
19 May 09:34 Özəl
Çingiz Mustafayevə yüksək vəzifə verildi
19 May 08:47 Cəmiyyət
Bakı-Tbilisi sərnişin qatarlarının fəaliyyəti mayın 26-dan bərpa olunur - RƏSMİ
19 May 10:06 Siyasət
Ev almaq istəyənlərə pis xəbər...
19 May 10:40 Cəmiyyət
Rusiyalı qastroenteroloq: "Bananı yeməzdən əvvəl mütləq yuyun"
19 May 07:47 Cəmiyyət

Ən son xəbərləri səhifəmizdən də izləyin