Reklam
Novxanıda hotel yanır - VİDEO
Prezident İlham Əliyevə Kiyev Milli İnşaat və Memarlıq Universitetinin fəxri doktoru adı verilib
Rövşən Nəcəf tənqid edildi: “Peşəkarlar qaz iyi gələn yerdə yox, ətir iyi gələn kabinetlərdə var?”

Novella Cəfəroğlu: “Naxçıvanda vəziyyət heç də yaxşı deyil, deyirlər, hakimiyyət sizindir, səsinizi çıxarmayın”

“Naxçıvanda vəziyyət heç də yaxşı deyil. Bu regionda, qonşuluqda İran kimi bir “monster” olan yerdə Naxçıvanda həm diplomatiyanı, siyasəti bilən rəhbər olmalı, müavinləri də blokadada olan insanların iqtisadi vəziyyətini dəyişdirməyi bacarmalıdır. İqtisadçılar Naxçıvana cəlb olunmalıdır. Otuz ildir, camaat bir təyyarənin ümidinə qalıb. Yaxşı ki, qardaş Türkiyə var idi, bəzi kəndlər boşdur, naxçıvanlılar ailələri ilə birgə Türkiyədə işləyirlər. İndi gözümüz Zəngəzurdadır, açılışı Naxçıvan əhalisini bu zülmdən qurtara bilər. Bilirsiniz, məni ən çox nə ağrıdır? İllərdir, Qarabağdan danışırıq, əlbəttə, borcumuz idi, Vətənin torpaqları işğal altında qalmamalı idi. Şükürlər, sağ olsun, Ali Baş Komandanımız, əsgərlərimiz torpaqlarımızı azad etdilər. Düşünürdüm ki, bundan sonra Naxçıvan yada düşər. Yada saldılar, amma orada yaşayan insanları yox. Hamı Zəngəzur yolunun açılmasından, İpək Yolundan danışdı... Bir jurnalist gedib böyük məqalə yazıb o insarlardan yaşayışlarını soruşmadı ki, sizə bu yol nə verəcək?”

 

Bu sözləri Pravda.az-a açıqlamasında hüquq müdafiəçisi Novella Cəfəroğlu deyib.

 

O, son illər Naxçıvandakı dəyişikliklərdən də danışıb: “Deyirlər ki, Vasif Talıbovu çıxarıblar, yerinə bacarıqlı kadr təyin olunub. Amma böyük dəyişikliklər yoxdur. Dünən bir faciənin şahidi oldum, bir xanım Bakıda vəfat edib, vəsiyyət edibmiş ki, Ordubadda ərinin yanında dəfn olunsun. Pasportu evdə olmadığı üçün məcbur olublar, Bakıda dəfn ediblər. Qızları göz yaşları içində deyirlər ki, anamızın vəsiyyətini yerinə yetirə bilmədik. Bu epizod bir ailənin deyil axı. Bir çox naxçıvanlı bu gündədir. Deyirlər, hakimiyyət sizindir, səsinizi çıxarmayın! Halbuki hakimiyyətdə iki-üç nəfər naxçıvanlı var, qalanları ayrı bölgələrdəndir. Naxçıvan əhalisi Bakıdadır. Naxçıvanı blokadadan jurnalistlər çıxara bilərlər, gedib insanlarla görüşsünlər, yazsınlar. Naxçıvanlıların saf ürəkləri var. Çox qonaqpərvər insanlar görəcəksiniz. Ziyalılarla görüşün, Naxçıvanın tarixini göstərin. İrəvandan danışırsınız, İrəvan ziyalılıarının yarısı məhz Naxçıvanda anadan olublar”.

 

Aytəkin Qardaşova
Tarix: 21 Aprel 2026, 08:02   
Xəbər lenti
Çox oxunanlar
Maaş artımı ilə bağlı yeni qərar kimlərə şamil olunacaq?
19 May 11:05 Sosial
Qızıl ucuzlaşdı - VİDEO
18 May 22:42 Sosial
Nura Suri bələdiyyədən narazıdır
18 May 22:03 Sosial
Naxçıvan reysləri ləğv edildi - SƏBƏB
18 May 21:34 Hadisə
Tanınmış teleaparıcı “TikTok”da onun barəsində paylaşım edən şəxsi məhkəməyə verdi – QƏRAR
19 May 09:34 Özəl
Çingiz Mustafayevə yüksək vəzifə verildi
19 May 08:47 Cəmiyyət
Bakı-Tbilisi sərnişin qatarlarının fəaliyyəti mayın 26-dan bərpa olunur - RƏSMİ
19 May 10:06 Siyasət
Ev almaq istəyənlərə pis xəbər...
19 May 10:40 Cəmiyyət
Rusiyalı qastroenteroloq: "Bananı yeməzdən əvvəl mütləq yuyun"
19 May 07:47 Cəmiyyət

Ən son xəbərləri səhifəmizdən də izləyin