Reklam
Qızıl ucuzlaşdı - VİDEO
Nura Suri bələdiyyədən narazıdır
Naxçıvan reysləri ləğv edildi - SƏBƏB

Məhkəmə həmcinslərini Türkiyədə cinsi istismara məruz qoyan qadınla bağlı qərar çıxardı

Ali Məhkəmədə insan alverində təqsirləndirilən S.Mustafayevanın barəsindəki qərardan verilən kassasiya şikayəti üzrə məhkəmə iclası başa çatıb.

 

Pravda.az-ın əldə etdiyi məlumata görə, hakim Zaur Hüseynovun sədrliyi ilə keçirilən prosesdə qərar elan olunub.

 

Qərara əsasən, kassasiya şikayəti təmin edilməyib.

 

İttihama görə, S.Mustafayeva Azərbaycan vətəndaşı olan qadınları ölkə hüdudlarından kənara apararaq, orada cinsi istismara məruz qoymaqda təqsirləndirilib.

 

Belə ki, o, bir qrup qadını işə düzəltmək adı ilə Türkiyə respublikasına aparıb. Orada həmin qadınları dəstənin digər üzvünün vasitəsi ilə kişi müştərilərlə görüşdürüb, bunun müqabilində maddi gəlir əldə edib.

 

İstintaq orqanı tərəfindən S.Mustafayevanın barəsində Cinayət Məcəlləsinin 144-1.2.1-ci (iki və ya daha çox şəxs barəsində insan alveri törətmək) maddəsi ilə ittiham elan edilib.

 

Cinayət işi üzrə 8 qadın zərərçəkmiş şəxs qismində tanınıb.

 

Bakı Ağır Cinayətlər Məhkəməsinin hökmü ilə o, 9 il 6 ay müddətə azadlıqdan məhrum edilib. Hökmdən məhkumun müdafiəçisi apellyasiya şikayəti verib. Bakı Apellyasiya Məhkəməsinin qərarı ilə apellyasiya şikayəti təmin olunmayıb. Həmin qərardan S.Mustafayeva kassasiya şikayəti, həmçinin kassasiya şikayətinin verilməsi üçün buraxılmış müddətin bərpa edilməsinə dair vəsatət verib. O, müddətin bərpa olunmasını xahiş edib. Bakı Apellyasiya Məhkəməsi vəsatəti təmin etməyib.

 

Bundan sonra, qadın həmin qərardan kassasiya şikayəti verib, lakin kassasiya şikayəti vermək üçün qanunda nəzərdə tutulmuş prosessual müddəti ötürdükdən sonra həmin kassasiya şikayətini verib və kassasiya şikayətinin verilməsi üçün buraxılmış müddətin bərpasına dair vəsatət təqdim edib. 

 

Kassasiya şikayəti onunla əsaslandırılıb ki, o, qərardan şikayət vermə müddətini ailəsində yaranmış problemdən, yəni nəvəsinin ağır xəstəlikdən vəfat etməsindən və onun bu hadisədən sonra iradəsindən asılı olmayaraq səhhətində yaranmış problemdən dolayı ötürüb. Bundan başqa, S.Mustafayeva sağlamlığında yaranmış bir sıra narahatlıqlarla yaşayır. Belə ki, yüksək təzyiq, ağır şəkər və ayaqlarında yaranmış xroniki ağrılardan əziyyət çəkdiyini qeyd edib.

 

Kamal Məmmədov
Tarix: 5 May 2026, 08:06   
Xəbər lenti
Çox oxunanlar
Bu yay hər kəs bunları geyinəcək
18 May 09:55 Özəl
Röya illər sonra keçmiş həyat yoldaşı ilə - VİDEO
18 May 01:59 Cəmiyyət
Sosial müavinətlə bağlı RƏSMİ MƏLUMAT
18 May 11:06 Sosial
Vilyam Hacıyevin lüks avtomobillərinə alıcı tapılmır: Qiymətləri endirildi
18 May 10:06 Cəmiyyət
Pensiyaçılar üçün şad xəbər: endirimlər əlçatan oldu
18 May 17:41 Sosial
Cavanşir Paşazadə: “Esvatini Kralının milli geyiminə görə tənqid edilməsi yolverilməzdir, cılız fikirlərlə çıxışlar edirlər...”
18 May 11:58 Özəl
Benzinlə bağlı RƏSMİ MƏLUMAT
18 May 14:47 İqtisadiyyat
İyunda toy planlayanlara vacib xəbər
18 May 12:55 Sosial
"İrşad”ın zərəri kəskin artıb
18 May 11:51 Sosial

Ən son xəbərləri səhifəmizdən də izləyin