Reklam
Qızıl ucuzlaşdı - VİDEO
Nura Suri bələdiyyədən narazıdır
Naxçıvan reysləri ləğv edildi - SƏBƏB

Gəncədə yeniyetməni öldürən şəxs kassasiya şikayətini geri götürdü

Ali Məhkəmədə 17 yaşlı oğlanı qətlə yetirməkdə təqsirləndirilən Azər Mövsümovun barəsindəki qərardan verilən kassasiya şikayəti üzrə məhkəmə iclası başa çatıb.

 

Pravda.az-ın əldə etdiyi məlumata görə, hakim Zaur Hüseynovun sədrliyi ilə keçirilən prosesdə elan olunub ki, Gəncə Apellyasiya Məhkəməsinin qərarından məhkumun müdafiəçisi kassasiya şikayəti verərək, Azər Mövsümovun əməlini Cinayət Məcəlləsinin 124-cü (Ehtiyatsızlıqdan adam öldürmə) maddəsinə tövsif edilməsi və ona həmin maddənin sanksiyasında nəzərdə tutulmuş cəza təyin edilməsi, bu mümkün olmadıqda onun cəzasının yüngülləşdirilməsi barədə qərar qəbul edilməsini xahiş edib.

 

Bildirilib ki, işə kassasiya instansiya məhkəməsində baxılanadək məhkum yazılı ərizə (vəsatət) ilə məhkəməyə müraciət edərək, kassasiya şikayətinin geri qaytarılmasını istəyib.

 

Qərara əsasən, təqsirləndirilən şəxsin vəsatəti təmin olunub, kassasiya şikayətinə baxılmasına xitam verilib.

 

Qeyd: Hadisə 19 sentyabr 2022-ci il tarixdə saat 23 radələrində Gəncə şəhərində yerləşən “Rəvan” adlı kafenin qarşısında qeydə alınıb.

 

İttihama görə, 1984-cü il təvəllüdlü Azər Mövsümov bıçaqla 2005-ci il təvəllüdlü Həsən Novruzova xəsarət yetirib. Nəticədə o, aldığı xəsarətlərdən xəstəxanada ölüb.

 

Gəncə Ağır Cinayətlər Məhkəməsinin hökmü ilə Azər Mövsümova Cinayət Məcəlləsinin 29, 120.2.4 (xüsusi amansızlıqla və ya ümumi təhlükəli üsulla qəsdən adam öldürməyə cəhd), 29, 120.2.7 (iki və ya daha çox şəxsi öldürməyə cəhd) maddələri ilə elan edilən ittiham üzrə təqsirliliyi sübuta yetirilmədiyi üçün bəraət verilmişdi. Həmçinin, o, həmin Məcəllənin 120.2.4-cü (xüsusi amansızlıqla və ya ümumi təhlükəli üsulla qəsdən adam öldürmə) maddəsi ilə təqsirli bilinərək 17 il müddətə azadlıqdan məhrum edilib. Gəncə Apellyasiya Məhkəməsinin qərarına əsasən, zərərçəkmiş şəxsin hüquqi varisinin apellyasiya şikayəti və dövlət ittihamçısı apellyasiya protesti təmin edilməyib. Təqsirləndirilən şəxsin isə apellyasiya şikayəti qismən təmin olunub, Gəncə Ağır Cinayətlər Məhkəməsinin hökmü dəyişdirilib. Belə ki, Azər Mövsümovun əməli Cinayət Məcəlləsinin 120.2.4-cü maddəsindən həmin Məcəllənin 120.1-ci maddəsinə tövsif edilib və o, 13 il müddətə azadlıqdan məhrumetmə cəzasına məhkum olunub.

 

Kamal Məmmədov
Tarix: 5 May 2026, 08:10   
Xəbər lenti
Çox oxunanlar
Bu yay hər kəs bunları geyinəcək
18 May 09:55 Özəl
Sosial müavinətlə bağlı RƏSMİ MƏLUMAT
18 May 11:06 Sosial
Vilyam Hacıyevin lüks avtomobillərinə alıcı tapılmır: Qiymətləri endirildi
18 May 10:06 Cəmiyyət
Pensiyaçılar üçün şad xəbər: endirimlər əlçatan oldu
18 May 17:41 Sosial
Cavanşir Paşazadə: “Esvatini Kralının milli geyiminə görə tənqid edilməsi yolverilməzdir, cılız fikirlərlə çıxışlar edirlər...”
18 May 11:58 Özəl
İyunda toy planlayanlara vacib xəbər
18 May 12:55 Sosial
Benzinlə bağlı RƏSMİ MƏLUMAT
18 May 14:47 İqtisadiyyat
"İrşad”ın zərəri kəskin artıb
18 May 11:51 Sosial
Deputat: “İqlimdə çox ciddi dəyişikliklər var, mənliyiniz olsun, sevinirsiniz ki, xaricilər narazı qalacaqlar?”
18 May 13:55 Özəl

Ən son xəbərləri səhifəmizdən də izləyin