Reklam

Meloninin səfərinin həm siyasi, həm də rəmzi əhəmiyyəti var - RƏY

"İtaliya Avropanın böyük dövlətləri sırasında Azərbaycanın ilk strateji tərəfdaşıdır. İtaliya Nazirlər Şurasının sədri Ciorcia Meloninin Azərbaycana səfəri İtaliya-Azərbaycan dostluğunu, həmçinin strateji tərəfdaşlığını daha da gücləndirəcək. Ermənistan səfərinin ardından Melonin Azərbaycana səfər etməsi iki ölkə arasında tərəfdaşlığın güclü olduğunu bir daha təsdiqlədi. Bu baxımdan, Meloninin səfərinin həm siyasi, həm də rəmzi əhəmiyyəti var".


Bu sözləri Pravda.az-a açıqlamasında Azərbaycan-İtaliya parlamentlərarası əlaqələr üzrə işçi qrupunun üzvü Naqif Həmzəyev deyib.

 


 

Deputat bildirib ki, İtaliya Azərbaycan qazının ən böyük istehlakçılarından biridir:


"TAP (Trans-Adriatik Boru Kəməri) birbaşa İtaliya sahillərinə çıxır. Rusiya-Ukrayna müharibəsindən sonra enerji diversifikasiyası Roma üçün strateji zərurətə çevrilib, Azərbaycan isə bu boşluğu dolduran əsas tərəfdaş rolunu oynayır. Yəni iqtisadi asılılıq siyasi yaxınlığı qaçılmaz edir. Strateji tərəfdaşlıq çərçivəsində isə iki ölkə arasında müdafiə, enerji və infrastruktur sahələrini əhatə edən sənədlər mövcuddur. Orta Dəhlizin inkişafı ilə İtaliya Azərbaycan üzərindən Mərkəzi Asiyaya açılan dəhlizə çıxış qazanmaq niyyətindədir".


Aytəkin Qardaşova

Tarix: 5 May 2026, 10:23   
Xəbər lenti
Çox oxunanlar

Ən son xəbərləri səhifəmizdən də izləyin