BURADA REKLAMINIZ OLA
BİLƏR

Abutalıb Səmədov: “Azərbaycanın sərvətlərdən düşünülmüş şəkildə istifadə etmək təcrübəsindən digər dövlətlər də çox şey götürüblər”

“Azərbaycan 30 ildə təbii sərvətlərdən səmərəli istifadə etmək yolunu digər dövlətlərə göstərmək bacarığı kimi nümayiş etdirdi. Əsrin Müqaviləsi imzalandı, bu müqavilənin işə düşməsi ilə əlaqədar Azərbaycanın ümumdaxili məhsulu rekord sürətlə artdı. Ölkəyə böyük valyuta vəsaitləri daxil oldu. Bundan səmərəli istifadə edərək Azərbaycan Ordusu yenidən quruldu, ən müasir silahlar alındı və 44 günlük müharibədə qələbəmiz təmin olundu. Sonra zad olunmuş ərazilərin yenidən qurulması, bərpası, qayıdış proqramlarının həyata keçirilməsi kimi mühüm addımlar atıldı. Azərbaycan bu gün dünyanın bir çox ölkələrinin neft və təbii qazla təmin olunmalarında mühüm işlər görür”.

 

Bu sözləri Pravda.az-a açıqlamasında siyasi şərhçi Abutalıb Səmədov deyib.

 

A.Səmədov bildirib ki, Ukrayna müharibəsi başladıqdan sonra Avropanın qazla təminatında əsas rol oynayan ölkələrdən biri Azərbaycandır: “Bu gün Avropanın ondan artıq ölkəsinə Azərbaycan qaz verir. Say bundan sonra daha da artacaq. Bu isə Azərbaycanın dünyada nüfuzunun artmasına, çox mühüm tədbirlərin Azərbaycanda keçirilməsinə gətirib çıxarır. Azərbaycan Amerika ilə strateji tərəfdaşlıq memorandumu imzalamaq üzrədir. Çinlə çox yaxın əməkdaşlıq proqramları həyata keçirir. Çin Azərbaycanın strateji tərəfdaşıdır. Türkiyə ilə münasibətlərimiz ən yüksək səviyyəyə qalxıb. Azərbaycanın təbii sərvətlərindən düşünülmüş şəkildə istifadə etmək təcrübəsindən, yəqin ki, digər dövlətlər də çox şey götürüblər. Bundan sonra da götürəcəklər".

 

Aytəkin Qardaşova

Tarix: 2 İyun 2026, 13:37   
Xəbər lenti
Çox oxunanlar

Ən son xəbərləri səhifəmizdən də izləyin