Vazadakı çiçəklərin ömrünü uzatmaq istəyirsinizsə, suya mütləq bunu atın

Evimizi rəngləri və ətirləri ilə gözəlləşdirən vaza çiçəklərinin ömrünü uzatmaq və onlara daha yaxşı qulluq etmək əslində düşündüyünüzdən daha asandır.

Pravda.az çiçəklərinizi solmaqdan qoruyacaq qaydaları təqdim edir

Yarpaqları təmizləyin və saplaqların boyunu tənzimləyin

Çiçəyinizi vazaya qoymazdan əvvəl saplaqların suyun altında qalacaq hissəsindəki yarpaqları təmizləyin. Bu, suyun qoxumasının və bakteriya yaranmasının qarşısını alır. Həmçinin çiçək saplarının boyunun vazadan mütləq daha uzun olmasına diqqət edin.

Suyun miqdarına və temperaturuna diqqət edin

Çiçəyinizin ehtiyac duyduğu suyu tam ala bilməsi üçün vazanın ən azı dörddə üçünü (3/4) su ilə doldurun. İstifadə etdiyiniz su nə çox isti, nə də çox soyuq olmalıdır. Bu suyu hər gün dəyişdirin; əks halda çiçəyiniz ehtiyac duyduğu qidaları gözləmiş və bayatlamış suda tapa bilməz.

Saplaqları maili kəsin

Çiçək saplaqlarını iki gündən bir kəsin, uclarda yaranan kif və yosunları isə bitki fırçası ilə təmizləyin. Suyun hopma sahəsini artırmaq üçün çiçək saplaqlarının uclarını düz deyil, maili kəsmək daha faydalıdır.

Düzgün məkan seçin

Çiçəyinizi nə birbaşa günəş işığı düşən yerdə, nə də yelçəkən və mehli künclərdə saxlamayın. Hər iki hal çiçəklərin tez solmasına səbəb olur.

Solan çiçəkləri dərhal çıxarın

Vazada solmağa başlayan çiçəklər varsa, onları dərhal çıxarın. Çünki solan çiçəklər ətrafa qazlar yayaraq digər canlı və təravətli çiçəklərin də tez solmasına yol açır.

Şəkər tozu ilə qidalandırın

Çiçəklər üçün xüsusi satılan qidalardan istifadə edə bilərsiniz. Lakin alternativ olaraq, vazadakı suya sadəcə bir çay qaşığı şəkər tozu əlavə etməklə də çiçəklərinizin daha uzun müddət təravətli qalmasına kömək edə bilərsiniz.

Bakteriyaların qarşısını alın: Aspirin, sirkə və ya dəmir pul

Sudakı mikroorqanizmlərin fəaliyyətini azaltmaq üçün suya əzilmiş aspirin ata bilərsiniz, bu, vazadakı bakteriyaları azaldır. Digər bir üsul isə suya dəmir qəpik atmaqdır; metal ionları sayəsində bakteriyaların aktivliyi zəifləyir. Yaxud suya 1 xörək qaşığı alma sirkəsi də əlavə edə bilərsiniz, çünki sirkə bakteriyaların çoxlmasının qarşısını alır.

Soda möcüzəsi

Vazadakı 1 litr suya dörddə bir (1/4) çay qaşığı soda əlavə etsəniz, budağından qopardılmış çiçəkləriniz təravətini daha uzun müddət qoruyub saxlaya bilər.

Saç spreyi ilə sabitleyici effekt

Çiçəklərin solub tökülməməsi üçün onlara az miqdarda saç spreyi sıxa bilərsiniz. Ancaq diqqətli olun, sprey çiçəyin üstünə deyil, yalnız yarpaqların və ləçəklərin alt tərəfinə vurulmalıdır.

Əminə Bayramova

Tarix: 12 İyun 2026, 15:00

Xəbər lenti