Yayın istisində sizi sərin saxlayacaq 10 geyim növü

Yay bürküsünün insanı yorduğu günlərdə bir az nəfəs almaq və sərinləmək üçün qarderob seçimimizə xüsusi diqqət yetirməliyik. Dəb dünyasında həm şık görünməyin, həm də yay istisinə meydan oxumağın yolları var.

Pravda.az yayın xilaskarı olacaq 10 əvəzedilməz geyim növünü təqdim edir:

Geniş və maksi donlar

Bol kəsimli maksi (uzun) donlar yayın imtina edilməzidir. İstidə rahat hərəkət etməyinizi təmin edən bu donlar, həm də yayın ən praktik və asan geyinilən geyimlərindəndir. Seçim edərkən nazik pambıq, poplin və ya trikotaj parçalardan tikilənlərə üstünlük verin.

Nazik trikotaj köynəklər

Yayın gəlişi ilə əlinizin altında mütləq olması gərəkən geyimlərin başında nazik pambıq köynəklər durur. Hətta fərqli və modern bir tərz yaratmaq üçün bu köynəkləri üst-üstə geyinərək maraqlı kombinlər də edə bilərsiniz.

Qısa koftalar

Qısa kəsimli koftalar istilərlə mübarizədə sizə çox böyük kömək olacaq. Bu qısa koftaları yırtıq cinslər, uzun ətəklər və ya yüksək bel şortlarla mükəmməl şəkildə tamamlamaq mümkündür.

Hər zövqə uyğun şortlar

Yayın ən sərin və ən "cool" geyimlərindən biri şortlardır. Xüsusilə bu yay cins parçalardan tutmuş pijama tərzindəki naxışlı modellərə, minilərdən bermuda kəsimlərə qədər bir çox şort modelinə qarderobunuzda yer ayıra bilərsiniz.

Kətan köynəklər

Kətan və pambıq parçalar yay fəsli üçün ən sağlam və düzgün seçimlərdir. Xüsusilə kətan köynəklər hər bir geyimlə asanlıqla uyğunlaşır. Ətək və ya şalvarın üzərindən geyinib rahat evdən çıxa bilərsiniz.

Parça və ya kətan torba çantalar

Yayda çiyninizə taxıb rahat hərəkət edə biləcəyiniz yüngül parçadan hazırlanmış çantalar istifadə edin. Qalın, dəri, qısa tutacaqlı və ağır çantaları qışa saxlayın. Yayda özünüzü yüngül hiss etmək istəyirsinizsə, çantalarınızı da yüngülləşdirin və parça çantalara keçid edin.

Rahat səndəllər

Yayı səndəlsiz keçirmək demək olar ki, qeyri-mümkündür. İsti günlərdə ayaqlarınızı rahat saxlayan düz daban səndəllər hər üslubda olan geyiminizə asanlıqla uyğunlaşır. Ayaqqabı dolabınızda mütləq bir neçə düz səndələ yer verin.

Nazik donlar

Yayda "bu gün nə geyinim?" dərdinə düşəndə, bədənə yapışmayan, nazik donlar köməyimizə çatır. Həm çimərlikdə, həm də şəhər gəzintisində rahatlıqla istifadə edə biləcəyiniz bu donları endirim mövsümündə mütləq alın.

Cins jiletlər

Yaz aylarında əynimizdən çıxarmadığımız cins gödəkcələri yayda cins jiletlər əvəz edir. Maksi donların, mini şortların və ya qələm ətəklərin üzərindən geyinə biləcəyiniz cins jiletlər həm çox trend, həm də olduqca rahatdır.

Bol və uçuşan üst geyimləri

Dar köynəklər və koftalar artıq tarixə qovuşdu deyə bilərik. Bədən quruluşunuz necə olursa-olsun, bol, uçuşan, hippi üslubunda olan köynəklər yay fəslində istifadə edə biləcəyiniz ən rahat geyimlər sırasındadır.

Əminə Bayramova

Tarix: 7 İyul 2026, 16:19

Xəbər lenti