Ceyhun Məmmədov: “Türkiyənin irəliləməsi Azərbaycana da ciddi töhfə verəcək”

“NATO sammitinin Ankara şəhərində keçirilməsi olduqca vacib və önəmlidir. Türkiyə bizim üçün qardaş, önəmli ölkədir və belə bir tədbirə ev sahibliyi etməsi bizim üçün də xüsusi önəm və əhəmiyyət daşıyır. Bu gün Azərbaycan-Türkiyə əlaqələri davamlı olaraq inkişaf edir. İki dövlət arasında bütün sahələrdə o cümlədən hərbi sahədə müttəfiqlik var və bu məsələ də bu prosesdə həm öz sözünü deyir həm də özünün rolunu oynayır. Əlaqələrin bu formada, mövcud müstəvidə inkişafı çox önəmlidir. Bu gün Türkiyənin sevinci Azərbaycanın sevinci, kədəri isə kədərimizdir. Bu, tarix boyu belə olub. Bu səbəbdən Türkiyə-NATO münasibətlərinin inkişafı bizim üçün də olduqca vacibdir və bu əlaqələrin inkişafı bir çox aspektlərdən xüsusi önəm və əhəmiyyət daşıyır”.

Bu sözləri Pravda.az-a açıqlamasında Azərbaycan-Türkiyə parlamentlərarası əlaqələr üzrə işçi qrupun üzvü Ceyhun Məmmədov deyib.

Deputat qeyd edib ki, bu gün Türkiyə-NATO münasibətlərinin inkişafı çox önəmlidir: “Ümumiyyətlə, bu gün Türkiyədə keçirilən sammitin özünün xüsusi əhəmiyyəti var. Türkiyə NATO dövləti kimi son illər özünün mövqeyini daha da gücləndirir, gün-gündən qüdrətini artırır, eyni zamanda çox geniş potensiala və imkana sahibdir. Bu gün Türkiyənin bu formada inkişafı çox önəmli və vacibdir. Bizim maraqlarımıza da ümumi xidmət edən bir məsələdir. Bu gün NATO dünyanın güclü və ən böyük hərbi struktur, qurumlarından biridir. Dünyada aparıcı mövqeyə malikdir. Nəzərə alsaq ki, Azərbaycan-Türkiyə münasibətləri də inkişaf edir, Qarabağ zəfərində Türkiyə Azərbaycanın yanında oldu və müttəfiqimizdir, o mənada bu əlaqələrin inkişafı bölgəmizə də öz təsirini göstərir. Bölgəmizdə də sülhün, təhlükəsizliyin bərqərar olmasına, möhkəmlənməsinə, inkişafına özünün ciddi və mühüm töhfələrini verir”.

C.Məmmədovun sözlərinə görə, Türkiyənin tədbirə ev sahibliyi etməsi Azərbaycan üçün də önəmlidir: “Biz Türkiyənin bu formada inkişafını, irəliyə getməsini özümüzün də vacib və önəmli uğuru hesab edirik. Bizim inkişafımız, gücümüzün artması, daha da irəli getmək baxımından xüsusi önəm və əhəmiyyətə malikdir. Hesab edirəm, münasibətlərə bu konteksdən baxmalı və yanaşmalıyıq. Türkiyənin bu formada irəliləməsi bizə də ciddi və mühüm töhfə verəcək. Yəni hazırkı dönəmdə, dünyamızın qarışdığı dövrdə hadisələrin bu formada irəliyə getməsi, inkişafı bizim üçün də əhəmiyyət kəsb edir. Azərbaycanın da gücünün artmasına, mövqeyinin möhkəmlənməsinə töhfəsini verir”.

Şəhanə Qədirli

Tarix: 8 İyul 2026, 12:35

Xəbər lenti