“Diqqət çəkən “Mariott Abşeron” otelinin konkret hədəf kimi göstərilməsidir..."

ABŞ-ın Azərbaycandakı səfirliyi vətəndaşları üçün təhlükəsizlik xəbərdarlığı yayıb.

Səfirliyin xəbərdarlığını şərh etmək üçün təhlükəsizlik məsələləri üzrə ekspert İlham İsmayıla müraciət edilib. İlham İsmayılın şərhini diqqətinizə çatdırırıq: "Bu bir ay içərisində ABŞ səfirliyinin yaydığı ikinci xəbərdarlıqdır. Xatırladım ki, ilk xəbərdarlıq hələ 26 sentyabrda, yəni müharibə başlamazdan əvvəl, səfirlik Bakını tərk etməmək haqqında öz vətəndaşlarını xəbərdar etmişdi və bu, təbii ki, müəyyən informasiyalara əsaslanırdı. Səhərisi gün - 27 sentyabrda bütün cəbhə boyu müharibənin başlaması informasiyanın dəqiq olduğunu sübut etdi. İndi də səfirliyin terrorla bağlı xəbərdarlığı ciddi informasiyaya əsaslanmasa yayılmazdı. Ümumiyyətlə, ABŞ və Qərbi Avropa ölkələrinin təhlükəsizlik xəbərdarlıqları konkret informasiyalara əsaslanır. Diqqətinizə çatdırım ki, hələ bir neçə gün əvvəl DTX da terror təhlükəsi ilə bağlı vətəndaşlara müraciət etmişdi. Hesab edirəm ki, bu vəziyyətdə qarşılıqlı əməkdaşlıq mövcuddur.

Burda diqqəti çəkən “Mariott Abşeron” otelinin konkret olaraq hədəf kimi göstərilməsidir. Adətən konkret hədəf o zaman göstərilir ki, informasiya etibarlı hesab edilir.

Bəzən düşmən, bu situasiyada isə konkret olaraq terroru hazırlayanlar açıq şəkildə xəbərdar olunur ki, sizin planlarınız məlumdur, əks tədbirlərə hazırıq və bu əməldən çəkinin. Yəni çəkindirici faktor kimi informasiya yayılır.

Eyni zamanda bir otelin simasında bu tip yerlərə getməkdən maksimum çəkinmə üçün də xəbərdarlıqda konkret yer göstərilir və yalnız öz vətəndaşlarını deyil, hər kəsi xəbərdar edirlər, o cümlədən təhlükəsizlik orqanlarını da.

Bütün bu xəbərdarlıqlar ermənilərin terroru bir ideologiya kimi siyasi təzyiq vasitəsinə çevirdiklərinin hər kəsə məlum olduğunu sübut edir. Bu ehtiyat tədbirlərinin görülməsi həm də erməni terrorçularının keçmiş fəaliyyətinə əsaslanır".Moderator

Tarix: 25 Oktyabr 2020, 07:48

Xəbər lenti