“Azərbaycan qazisinə və şəhid ailəsinə göstərilən münasibət dünyada ən yaxşılardan sayılır” - Mirşahin

“Azərbaycan qazisinə və şəhid ailəsinə göstərilən münasibət dünyada ən yaxşılardan sayılır. Müxtəlif parametrlərə görə tənzimlənən maddi ödənişlər, pulsuz verilən evlər, avtomobillər, xalqın bu ən ehtiramlı qatını əhatə edən başqa maddi və mənəvi imtiyazlar şəhid və qazi adına Azərbaycan nümunəsidir. Kifayət qədər məlumata malik bir jurnalist kimi onu da əlavə edim ki, proses dayanmayıb, qazilərimizi əlavə təminat və fiziki bərpası üzrə proqramlar hazırlanır. Şəhid ailələri isə sadəcə əmr etməlidir. Biz hər bir Azərbaycan vətəndaşı onların yanında, qulluğunda olacağıq”.

Pravda.az-ın xəbərinə görə, bunu REAL TV-nin rəhbəri Mirşahin Ağayev deyib.

ⅦSosial şəbəkələrdə kontekstdən çıxarılaraq sözgəzdirənlik edən pozucuları müvafiq dövlət qurumları dərhal təkzib etsə də, çax-çax baş ağrıtmağa macal tapır. Şəhid ailələrinin, qazilərin, onların yaxınlarının, əzizlərinin müqəddəs ağrısından istifadə edənlər nə dövlət, nə də vicdan adına davranırlar. Azərbaycanın Zəfər Bayrağını qaldıran uca vətəndaşlarımızın adına xələl gətirməyə heç kimin haqqı yoxdur. Şəhid və qazimizin adı arxasında qara halə yaratmaq istəyənlərin qarşısına şəhid və qazinin sahibi olan yenilməz xalq özü çıxmalıdır. Özünün canınayanlığı ilə, nəsil-nəsil gələn paylaşma, səxavət ənənəsi, mərhəmət ruhu ilə. Hər bir şəhid və qazi bizim milli-mənəvi sərvətimiz, ümummilli ləyaqətimizin tərkib hissəsidir. Şəhid və qazilərin qayğılarını təkcə dövlət yox, həm də vətən qarşılamalıdır. Bu müqəddəs qayğını, şəhid ailəsi, qazi ailəsi yükünü hər birimiz çəkməliyik. REAL TV olaraq bir daha bəyan edirik: bütün şəhid və qazi ailələri bu kanalı özlərininki hesab edə bilərlər. İstənilən ədalətsiz yanaşma ən operativ və ədalətli münasibətin şahidi olacaq. Hər bir məmur qazi və şəhid borcu qarşısında əyilməyi, vətənə, xalqa, yaşamağımıza, qürurumuzun bərpasına görə ömrünü vermiş insanların bizdən qat-qat uca olduğunu düşünməli, onların müqdəddəs dərd yükünün altına çiyin verməyi bacarmalıdır. Şəhidlərin qəbri üstünə qoyduğumuz gül-çiçəklər yadımıza onların bizim üçün qoyub getdikləri gül-çiçək balaları salmalıdır. Hər bir şəhid körpəsi, qazi övladı bizim körpələrimizin doğması olmalıdır. Biz daxilən dəyişməliyik. Şəhid və qazi ailələrinə ölkənin uca məqamı kimi yanaçmalıyıq. Sosial şəbəkələrdə vətən müharibəsində iştirak edənləri, şəhid olanların sosial mənsubiyyətinə görə dərəcələyənlər, şəhidləri varlı, kasıba bölmək istəyənlərin anlamasını vacib bildiyim mətləblər də var. Xırdalamayacam. Amma etiraf edək ki, 44 günlük Vətən müharibəsi Xalqın qələbəsi ilə nəticələndi. Müzəffər ali Baş komandanın dediyi kimi. Və bu qələbədə bütün xalq iştirak etdi. Hər kəs və bacardığı kimi. Yaşı keçib deyə fəal döyüşlərə qatılmayan iş adamı cəbhəyə gücü çatan qədər yardım karvanı göndərdi. Evində başıpapaqlısı olmayan cəbhəyə maşın dolusu papaq göndərdi. Əli silaha yatmayan əlcək alıb yolladı. Bu müharibədə Azərbaycan xalq olaraq qalib gəldi! Gömrük orqanlarından, ASAN xidmətdən, Ədliyyə Nazirliyinin yüksək zabit heyətindən, icra hakimiyyəti struktirlarından, cəbhəyə nə qədər könüllü getdi! Qarabağ həsrətləri Qarabağ həzrətlərinə çevrildi” – M.Ağayev qeyd edib.

Tarix: 7 Dekabr 2020, 18:30

Xəbər lenti