Əli Həsənov: “Yadıma gəlmir ki, hökumət hər hansı vacib təşəbbüs irəli sürsün, Prezident qəbul etsin”

“Prezident İlham Əliyev bütün məsələləri özü həll edir. Göstərişlər və tapşırıqları özü verir. Yadıma gəlmir ki, hökumət hər hansı vacib təşəbbüs irəli sürsün, Prezident qəbul etsin. Həmişə təşəbbüskar Prezident özü olub”.

 

Pravda.az-ın xəbərinə görə, Yeni Azərbaycan Partiyasının sədr müavini Əli Həsənov deyib.

 

O bildirib ki, 44 günlük müharibənin də təşəbbüskarı dövlət başçısı olub: “Bu müddətdə hazırlıqlarda, manevrlərdə, taktiki gedişlərdə - hamısında özü oldu. Heç kəs üzərinə nəsə götürməsin. Məxfiliyin də təminatını Prezident qurdu. Birinci Qarabağ müharibəsində məğlubiyyətin əsas səbəblərindən biri də məxfiliyin təmin edilməməsi idi. Ermənilər bizdən öncə bilirdi harada, nə baş verir... 44 günlük müharibədə məxfilik elə təmin olunmuşdu ki, heç kim heç nə bilmirdi. Adətən mətbuat orqanları qabaqcadan verirlər, bu məsələdə edə bilmədilər. Heç kəs bilmirdi ki, yarım saatdan sonra nə olacaq. Özündən başqa... Təbii ki, hərbi ekspertlərlə, mütəxəssislərlə müzakirələr aparılıb. Ulu öndər Heydər Əliyev də hər hansı bir məsələ ilə bağlı müzakirələr aparırdı, amma fikir söyləmirdi. Müzakirələrdən sonra nə deyəcək, kimsə bilmirdi. Cənab Prezident də belə edib, müzakirələri dinləyib, amma onların yanında qərar verməyib. Qərarı sonradan vaxtında, zamanında verib. Prezident özü də deyir ki, mən bilirəm, nəyi nə vaxt, necə etmək lazımdır”.

Tarix: 17 Yanvar 2021, 16:30   
Xəbər lenti
Çox oxunanlar

Ən son xəbərləri səhifəmizdən də izləyin