BURADA REKLAMINIZ OLA
BİLƏR

Partiya sədri: “Parlament yararlıydısa, niyə buraxırdılar?”

Müasir Müsavat Partiyasının sədri Hafiz Hacıyev V çağırış Milli Məclisin deputatlarının 2020-ci ilin fevralın 9-da keçiriləcək növbədənkənar parlament seçkilərində namizəd kimi iştirak etmələrinə etiraz edib.

 

Pravda.az-ın xəbərinə görə, H.Hacıyev deyib ki, deputatların belə bir addım atması düzgün deyil:

 

“Təsəvvür edin, Prezident ölkənin gələcəyi naminə parlamentin buraxılması üçün öz partiyasının təşəbbüsünü rəsmiləşdirdi. Həmin parlament yararlıydısa, niyə buraxırdılar? Niyə yenidən parlament seçkilərinin keçirilməsinə zərurət yarandı? Bu məsələləri görünür hələ hakimiyyətin daxilində olan insanlar başa düşməyiblər. Yəni hələ seçki başlamamış müəyyən dairələr özlərinin qoyduğu qanunları pozurlar. Düşünürəm ki, bunlar regionda gərginliyin artdığı bir dövrdə bütün qüvvələri dövlətin əleyhinə qaldırmaq istəyirlər. Mən bunun qəti əleyhinəyəm, mən deputatlığa namizəd kimi yox, dörd dəfə prezident seçkilərində namizəd olmuş bir adam kimi bunları deyirəm. Hesab edirəm ki, ölkə başçısının tutduğu ədalətli mövqeyi yenidən onun daxilində olan qüvvələr artıq satış predmetinə çeviriblər. Mən üzümü milli təhlükəsizlik orqanlarına tutub deyirəm ki, rayonlarda xalq tərəfindən seçiləcək deputatların kimliyi ciddi şəkildə araşdırılsın, onların vaxtilə nə iş gördüyü ortaya qoyulsun” – partiya sədri qeyd edib.

Tarix: 13 Yanvar 2020, 14:39   
Xəbər lenti
Çox oxunanlar

Ən son xəbərləri səhifəmizdən də izləyin