BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Azərbaycan mediasının inkişaf etməsi üçün dövlət səviyyəsində bütün addımlar atılır”

3 may - Beynəlxalq Söz və Mətbuat Azadlığı günüdür. Müstəqil Azərbaycan dövləti ölkədə söz və mətbuat azadlığı kimi məsələlərə xüsusi önəm verir.

 

Jurnalist Həmkarlar İttifaqının sədri Müşfiq Ələsgərli Pravda.az-a açıqlamasında bildirib ki, hazırda Azərbaycan mediası öz işini kifayət qədər şərəflə yerinə yetirir.

 

Azərbaycanda 40 jurnalist koronavirusa yoluxub, 5 nəfər ölüb - Müşfiq  Ələsgərli • Cumhuriyyət

 

Onun sözlərinə görə, ölkə mediası milli, dövlətin və dövlətçiliyin yanında olan mediadır: "Azərbaycan mediası hər zaman çalışır ki, öz peşə fəaliyyətini yerinə yetirməklə yanaşı Azərbaycanın milli maraqlarını da təmin etsin. Bildiyimiz kimi, Azərbaycanda son 1-2 il ərzində media sahəsində islahatlar dalğası ciddi şəkildə davam edir. Azərbaycan mediasının inkişaf etməsi və dünya məkanına inteqrasiya olunması üçün dövlət səviyyəsində bütün addımlar atılır. Bütün bunlarla yanaşı, mediamızda, təbii olaraq, müəyyən çatışmazlıqlar da mövcuddur. Bunların bir qismi əlaqədar qurumlardan asılıdırsa, bir qismi də birbaşa medianın özündən asılıdır. Məsələn, informasiya əlçatımlılığı, reklam məsələləri, maliyyə gəlirləri və s. bu kimi mövzularda mütləq mediaya yardım olunaraq problem həll olunmalıdır".

 

Medianın özündən asılı olan iki məqama xüsusilə diqqət çəkən M.Ələsgərli qeyd edib ki, birinci məqam mediada siyasiləşmə amilləri ilə bağlıdır: "Çünki institutlaşma meyilləri çox məhduddur. Ölkədəki media qurumlarının ümumi sayına nəzər salsaq görərik ki, çox az sayda media orqanı peşəkarlaşıb və institutlaşıb. Qalanlarında isə siyasi meyllər, qrup maraqları hiss olunur. İkincisi isə, araşdırma jurnalistikası ilə bağlı olan problemimizdir. Bizdə kütləvi informasiya vasitələri daha çox xəbər təqdimatına fokuslanıblar. Xəbərlər də çox zaman təkrarlandığına görə media qurumları auditoriyanı saxlamaq üçün süni ajiotaj doğuran "xəbərlər" yetişdirməyə çalışırlar. Bu da öz növbəsində neqativ amillərə yol açır".

 

Müsahibimiz həmçinin təəssüflə qeyd edib ki, reket jurnalistika adlandırılan, yəni mediadan sui-istifadə edən orqanlar hələ də qalmaqdadır.

 

Onun sözlərinə görə, bu istiqamətdə də problemi kökündən həll etmək, məsələni tamamlamaq lazımdır.

 

"Hazırda dünyada müşahidə olunan bir tendensiya da media işçilərinə qarşı təqib və təzyiq hallarının artmasıdır. Bu, xüsusilə Avropa məkanında tendensiya halını alıb və beynəlxalq təşkilatlar bununla bağlı öz narahatlıqlarını bildirirlər. Şükürlər olsun ki, bu hal Azərbaycanda o qədər də yüksələn xəttlə davam etmir. Bu iki il ərzində cənab Prezidentin imzaladığı əfv sərəncamları ilə adları siyasi məhbus və həbsdə olan jurnalistlər olaraq hallanan çoxsaylı jurnalistlərimiz azad olundular. Bu gün həbsdə olan yalnız iki nəfər jurnalist var və arzu edirik ki, onlar da tezliklərinə azadlıqlarına qovuşsunlar", deyə M.Ələsgərli əlavə edib.

 

Nəzrin Cavid

Tarix: 3 May 2021, 16:26   
-->
Xəbər lenti
Çox oxunanlar

Ən son xəbərləri səhifəmizdən də izləyin