BURADA REKLAMINIZ OLA
BİLƏR

BURADA REKLAMINIZ OLA
BİLƏR

"Onların hər bir videosu cinayət xarakterlidir" - Razi Nurullayev

“Təəssüf edirəm ki, mədəniyyətsiz, savadsız, ağzını söyüşlə açıb-bağlayan bir qrup var və onlar ölkəmizdə də bir qisim insanı təsir altında saxlaya bilir, ağına-bozuna baxmadan hər kəsi təhqir edir, şəxsiyyətini alçaldır”.

Pravda.az-ın məlumatına görə, bunu Milli Məclisin bu gün keçirilən iclasında deputat Razi Nurullayev deyib.

Deputat bildirib ki, onların ağzını bağlamaq üçün bizdə də Türkiyədə olduğu kimi, sosial şəbəkələr haqqında qanun qəbul edilməli, sosial şəbəkələrin nümayəndəsi mütləq Bakıda oturmalıdır: “Əlavə olaraq, xaricdə oturub ölkəni, insanları, siyasətçiləri, dövlətin atributlarını, ölkənin birinci şəxsini və ailəsini ən kəskin ifadələrlə təhqir edən şəxslər barədə bütün səviyyələrdə siyasi danışıqlar aparılmalı, onların həbsi və ya ölkəyə verilməsi tələbi irəli sürülməlidir. Onların hər bir videosu cinayət xarakterlidir. Bu məsələnin qaldırılması siyasi müstəvidə - səfirliklər, XİN və dövlət səviyyəsində olmalıdır. Bizim hüquq-mühafizə orqanları cinayət işi qaldırıb, amma onların həbsi və cəzalandırılması üçün siyasi danışıqlar lazımdır”.

Deputatın sözlərinə görə, ikinci bir qrup isə ölkədədir və onların arasında xeyli siyasətçi və ya özünü belə hesab edən fəal var: “Klaviatura arxasında və təhlükəsiz yerdə oturub hər şey demək olar, İrəvanı bir saata işğal edib, Rusiyanı mat da qoymaq olar, Koçaryan və Sarkisyanı əlibağlı da gətirmək olar. Özünü və ətrafını idarə edə, ömründə bir qarış torpaq ala bilməyənlər nifrət püskürür, hər şeyə rişxənd edir, özlərini supermən elan edir. Heç baron Münhauzen belə yalanlar danışmayıb. Onlar da ölkə içində bir qrup vətəndaşı təsir altına alıb, onların gələcəyini məhv edir. Təhqirə, şər-böhtana və söyüşə yol verənlərin birmənalı cinayət məsuliyyətinə cəlb edilməsini istəyirik”.

Tarix: 4 May 2021, 12:14   
-->
Xəbər lenti
Çox oxunanlar

Ən son xəbərləri səhifəmizdən də izləyin