BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Rus generalları ilə gizli sövdələşmə...” – Azərbaycana qarşı xain addım

“Kreml “İsgəndər” raketlərində olduğu kimi hərbi təyinatlı malların Gürcüstan marşrutu ilə Ermənistana çatdırılması məsələsinə də aydınlıq gətirmək istəmir”.

 

Pravda.az-ın xəbərinə görə, bunu politoloq Elxan Şahinoğlu deyib.

 

Ekspert Rusiyanın Ermənistanı silahlandırmağa davam etdiyini bildirib:

 

“Rusiyadan Ermənistana göndərilməsi nəzərdə tutulan hərbi təyinatlı mallar - zirehli döyüş jiletləri, gödəkçələr və dəbiləqlər martın 5-də Rusiya-Gürcüstan sərhədindəki “Yuxarı Lars” nəzarət-buraxılış məntəqəsində aşkar edildi. Hərbi təyinatlı mallar yük maşınlarında Ermənistana çatdırılmalı idi. Həmin mallar bir aya yaxın müddətdə sərhəddə saxlanıldı. Gürcüstan sərhədçiləri sürücülərin sənədlərini və hərbi təyinatlı yüklərini müsadirə ediərək onların yola davam etməsinə qadağa qoydu.

 

Gürcü sərhədçilər yükün buraxılması üçün ölkənin Müdafiə Nazirliyinin icazəsinin lazım olduğunu bildirmişdi. Belə bir icazə isə yox idi və ola da bilməzdi. Hərbi yükləri daşıyan sürücülərdə həmin icazə olmadığı üçün onlar Rusiyaya geri qaytarıldılar.

 

Rusiya artıq neçənci dəfədir ki, Gürcüstan üzərindən gizli şəkildə Ermənistana hərbi məqsədli yüklər çatdırmaq istəyir. Axı Moskvaya da aydın olmamış deyil ki, 2008-ci il müharibəsindən sonra Rusiya ilə diplomatik münasibətini kəsən Gürüstan öz torpaqlarından Ermənistana hərbi yüklərin daşınmasına imkan verməyəcək. Qarabağda müharibə günlərində də rəsmi Tiflisin bəyanatı olmuşdu: “Gürcüstan öz ərazisindən müharibə tərəflərindən heç birinin hərbi yüklərinin daşınmasına imkan verməyəcək”.

 

Bu qadağanı bilə-bilə nə məcburdur ki, hərbi yüklər gizli şəkildə Gürcüstan üzərindən Ermənistana çatdırılsın? Rusiya Müdafiə Nazirliyi həmin yükləri rahatlıqla təyyarələr vasitəsilə də Ermənistana çatdıra bilər”.

 

Elxan Şahinoğlu qeyd edib ki, Rusiya Müdafiə Nazirliyi 44 günlük müharibə günlərində Ermənistana hərbi yükləri məhz hava sahəsi üzərindən daşıyıb:

 

“Bunu hamı bilir. Ancaq o da mümkündür ki, Rusiyadakı erməni diasporunun imkanlı nümayəndələri aldıqları hərbi yükləri Gürcüstan üzərindən daha ucuzuna çatdırmaq istəyə bilərdilər. Bu belədirsə, bununla da Moskva maraqlanmalıydı ki, hansı erməni Rusiya Müdafiə Nazirliyinin başı üzərindən Ermənistana hərbi yüklər daşımaq istəyib. Maraqlanmırlarsa, deməli, söhbət erməni diasporuyla rusiyalı generalların birgə sövdələşməsindən gedir.

 

Birincilər ikincilərə pul verib və ikincilər aldıqları rüşvət müqabilində ucuz başa gəlsin deyə nəqliyyat yoluna üstünlük veriblər. Kreml “İsgəndər” raketlərində olduğu kimi hərbi təyinatlı malların Gürcüstan marşrutu ilə Ermənistana çatdırılması məsələsinə də aydınlıq gətirmək istəmir”.

Tarix: 4 May 2021, 17:41   
-->
Xəbər lenti
Çox oxunanlar

Ən son xəbərləri səhifəmizdən də izləyin