BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Putinin Lavrov İrəvanda olarkən Ərdoğana, Bakıya gəldiyi gün isə İlham Əliyevə zəng etməsi...”

“Əliyev Bakıda Lavrovu qəbul etdi. Putinin Lavrov İrəvanda olarkən Ərdoğana, Bakıya gəldiyi gün isə İlham Əliyevə zəng etməsi rusların yeni istəklərinin olduğu ehtimalını önə çıxarır”.

 

Bu barədə şərhçi Asif Nərimanlı deyib.

 

A.Nərimanlı qeyd edib ki, Baydenin “soyqırımı” ifadəsi ilə Ermənistana “qapıları açması”, ardınca Blinkenin Əliyevə zəngi Amerikanın regiona qayıtmaq istəyindən xəbər verir və Moskvanı narahat edən əsas amil də budur. Lavrovun regiona səfərinə bu kontekstdə baxa bilərik: “Rusiya İrəvan və Bakıda “saatları yenidən dəqiqləşdirir”, regiondakı razılaşmaların icrasına sadiqliyi yerində yoxlayır. Lavrovun İrəvanda Zəngəzur dəhlizi və İrəvanın “hərbi əsir” dediyi diversantlarla bağlı Ermənistana yaxın mövqedən çıxış etməsi, ABŞ-ın biolaboratoriyalarına rus mütəxəssislərin daxil olmasına icazə verəcək memorandumu imzalayan Paşinyan hakimiyyətinə jesti idi”.

 

Jurnalistin fikrincə Bakıda balanslaşdırılmış mövqe görəcəyik: “Rusiya 10 noyabr və 11 yanvar razılaşmalarına sadiqliyi istəyirsə, bunun üçün ilk növbədə rəsmi Bakının erməni qoşunlarının çıxarılması tələbini nəzərə almalıdır. Moskvanı narahat edən, 10 noyabr razılaşmasının 4-cü bəndinin yerinə yetirilməsindən sonra Qarabağdakı əsas kartlarından birini itirməsidir.

 

1. Rusiya erməni qoşunların çıxarılmasından sonra Qarabağdakı maraqlarının təhlükə altına düşməyəcəyinin zəmanətini almaq istəyir, xüsusilə Bakı və Ankaranın rus sülhməramlılarının 5 ildən tez bölgədən çıxması istəkləri fonunda;

 

2. Xankəndidəki separatçıların taleyinin necə olacağını müəyyənləşdirmək istəyir;

 

Putinin Lavrov İrəvanda olarkən Ərdoğana, Bakıya gələrkən Əliyevə zənginin səbəbi də budur. Və mümkündür ki, Moskva Qarabağda separatçıları, daha dəqiq desək onların üzərindən öz maraqlarını qorumaq üçün yeni təkliflər irəli sürür. Bu kontekstdə İlham Əliyevin Lavrovun gəldiyi gün “Azərbaycan ərazisində Dağlıq Qarabağ adlı ərazi vahidi yoxdur” bəyanatı Bakının mövqeyini dəyişməyəcəyinin ifadəsidir. Lavrovun Bakıda erməni diversantları, “İskəndər M” haqda açıq qalan sualları da müzakirə edəcəyi gözləniləndir”.

Tarix: 11 May 2021, 11:08   
-->
Xəbər lenti
Çox oxunanlar

Ən son xəbərləri səhifəmizdən də izləyin