BURADA REKLAMINIZ OLA
BİLƏR

BURADA REKLAMINIZ OLA
BİLƏR

“İnvestorların cəlb edilməsi səfirliklərin və hökumətlərarası komissiyaların fəaliyyətindən asılıdır” - RƏY

"İnvestorların təşviqi həmçinin Azərbaycanın xarici ölkələrdə fəaliyyət göstərən səfirliklərinin və hökumətlərarası komissiyalarının fəaliyyətindən asılıdır. Belə qurumlar xaricdəki biznes strukturları ilə əlaqə yaratmalıdırlar ki, Azərbaycana investisiya cəlb edilsin".

 

Bunu Pravda.az-a açıqlamasında Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov deyib.

 

Deputat bildirib ki, Ələt İqtisadi Zonasının yaradılması Azərbaycan üçün olduqca əhəmiyyətlidir: "Hesab edirəm ki, təkcə Ələt deyil, elə bir sıra digər regionlarda da iqtisadi zonaların yaradılmasına ehtiyac var. Nəzərə almaq lazımdır ki, bəzi ölkələrdə ümumdaxili məhsulun 50 faizdən çoxu elə iqtisadi zonaların payına düşür. Pandemiya və Vətən müharibəsi dövründən sonra belə iqtisadi zonaların yaradılması Azərbaycanın inkişafı üçün olduqca vacibdir. Prezident İlham Əliyev Ələt İqtisadi Zonasının açılışı zamanı iqtisadiyyatımızı gücləndirəcək belə işlərə xarici investorların cəlb edilməsinin vacibliyini vurğulayıb. Prezident qeyd edib ki, Azərbaycanda investisiya mühiti kifayət qədər əlverişlidir. Bu sahə üzrə İqtisadi İnkişaf Nazirliyi də ciddi işlər həyata keçirir və doğrudan da, müəyyən müsbət addımlar atılıb. Amma nəzərə almaq lazımdır ki, investorların təşviqi Azərbaycanın digər ölkələrdəki səfirlikləri və xarici ölkələrdə fəaliyyət göstərən hökumətlərarası komissiyalarının fəaliyyətindən çox şey asılıdır. Belə qurumlar xaricdəki biznes strukturları ilə əlaqə yaratmalıdırlar ki, Azərbaycana investisiya cəlb edilsin. Azərbaycanın iqtisadi maraqlarının təşviqi səfirliklər və hökumətlərarası komissiyaların vəzifələrindəndir. Bu, xüsusilə Vətən müharibəsində qələbədən sonra işğaldan azad edilmiş Azərbaycan torpaqlarında yenidənqurma işlərinin sürətləndirilməsi üçün olduqca vacibdir".

 

Nəzrin Cavid

Tarix: 29 İyul 2021, 11:26   
-->
Xəbər lenti
Çox oxunanlar

Ən son xəbərləri səhifəmizdən də izləyin