BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Paşinyan sərhədlərin müəyyənləşdirilməsi məsələsini qışa qədər yubatmaq istəyir” – ŞƏRH

"Rusiya ordusunun sərhəddə hərbi kontingent yerləşdirməsi vaxt itkisinə səbəb olacaq. Nikol Paşinyan bu yolla sərhədlərin müəyyənləşdirilməsi məsələsini qışa qədər yubatmaq istəyir. Çünki qış aylarında havanın soyuq olması demarkasiyaya mənfi təsir göstərəcək".

 

Bunu Pravda.az-a açıqlamasında politoloq Zaur Məmmədov deyib.

 

Politoloq bildirib ki, Rusiya sülhməramlılarının Azərbaycan-Ermənistan sərhədində yerləşdirilməsi Rusiyaya iqtisadi və siyasi baxımdan sərf etmir: "Ermənistan rəhbərliyi Rusiya ordusunun Azərbaycan-Ermənistan sərhədində, xüsusilə Kəlbəcər istiqamətində yerləşdirilməsinin zəruriliyi ilə bağlı Moskvaya müraciət edib. Xəbəri Rusiya Prezidentinin mətbuat xidmətinin rəhbəri Dmitri Peskov təsdiqləyib və müraciət üçün Ermənistanın baş naziri Nikol Paşinyana təşəkkürünü bildirib. Buna baxmayaraq, müraciətdən müəyyən vaxt keçsə də, sərhəddə hərbi kontingentinin yerləşdirilməsinə Rusiya dövləti razılıq verməyib. Sual yaranır ki, niyə Rusiya Müdafiə Nazirliyi təklifdən faydalanmır?! Burada xüsusilə 2 məqam var. Birincisi, Moskva bilir ki, Bakı və İrəvan tez bir zamanda delimitasiya və demarkasiya məsələlərini başa vurmalı, sərhədlər müəyyənləşdirilməlidir. Kommunikasiya xətlərinin açılması üçün iki dövlət sərhədlərini tanımalıdır. Bunun üçün təcili olaraq işlərin icrasına başlanılmalıdır. Rusiya ordusunun sərhəddə hərbi kontingent yerləşdirməsi isə vaxt itkisinə səbəb olacaq. Nikol Paşinyan bu yolla sərhədlərin müəyyənləşdirilməsi məsələsini qışa qədər yubatmaq istəyir. Çünki qış aylarında havanın soyuq olması demarkasiyaya mənfi təsir göstərəcək. Rusiyanın isə Laçın və Qarabağın dağlıq hissələri ilə bağlı məsələlərdə fikirləri Azərbaycanla ortaq olmasa da, sərhədlərin demarkasiya və delimitasiyasına razıdır. Ona görə də, qısa müddətdə məsələnin həll olunmasını istəyir.

 

İkincisi isə, ola bilər ki, Rusiya Azərbaycan-Ermənistan sərhədində hərbi kontingent yerləşdirməyə ehtiyac görmür. Aydın məsələdir ki, sərhəddə rus ordusunun yerləşdirilməsi üçün xərclər Ermənistan tərəfindən deyil, Rusiya tərəfindən ödəniləcək. Bu isə Rusiyaya iqtisadi baxımdan da sərf etmir".

Tarix: 29 İyul 2021, 18:31   
-->
Xəbər lenti
Çox oxunanlar

Ən son xəbərləri səhifəmizdən də izləyin