“Prezident Şərqi Zənzəgur məsələsində prinsipial mövqeyini nümayiş etdirdi” - RƏY

“Bu gün işğaldan azad edilən ərazilərimizdə erməni vandallarının illərlə törətdikləri vəhşi əməllər hər addımda nəzərə çarpır. Viran qoyulan şəhər və kəndlərimiz, dağıdılan, təhqir edilən məscidlərimiz, yer üzündən silinən tarix və mədəniyyət abidələrimiz düşmənin nə qədər barbar, vəhşi olduğunu göstərir. Erməni vandallarının xarabalığa çevirdikləri tarixi yurdlarımızın bərpası, inkişaf axarına qovuşması, sosial-iqtisadi dirçəliş indi dövlətimizin qarşısında duran ən mühüm vəzifədir”.

Bunu Pravda.az-a açıqlamasında Milli Məclisin deputatı Müşfiq Cəfərov deyib.

Müşfiq Cəfərov: Laçının azad olunması ilə ərazi bütövlüyümüz təmin edildi - Yeni Gəncə

M.Cəfərov bildirib ki, ölkə başçısı bütün məsələlərdə olduğu kimi, bu istiqamətdə də aydın planlara, strateji hədəflərə malikdir: “Artıq müharibədən qısa müddət keçməsinə baxmayaraq, ölkədə bu istiqamətdə tədbirlər sürətlə gedir. İşğaldan azad edilən ərazilərdə təmir bərpa işləri düzgün, çevik və səmərəli şəkildə həyata keçirilir. Hazırda işğaldan azad edilən ərazilərdə infrastrukturun qurulması, tikinti, abadlıq işlərinin aparılması, kiçik və orta sahibkarlığın inkişafına dəstək göstərilməsi istiqamətində hazırlıq işləri görülür, yeni layihələr hazırlanır. Ali Baş Komandan İlham Əliyev mütəmadi olaraq işğaldan azad olunan bölgələrdəki bərpa işləri ilə tanış olur, daim həmin ərazilərə səfərlər edir. Cənab prezidentin növbəti səfəri Kəlbəcər və Laçın rayonlarına oldu. Bu ölkə başçısının müharibədən sonra Kəlbəcərə ilk səfəri idi. Bununla da Kəlbəcərin bərpası, yenidən qurulması prosesinə start verildi. Dövlət başçısı çıxışı zamanı Cəbrayıla çəkilən qanunsuz yol barədə danışdı. Prezident İlham Əliyev vurğuladı ki, ATƏT-in Minsk qrupuna edilən etiraza baxmayaraq onlar ermənilərin qanunsuz fəaliyyətinin qarşısını ala bilmirdilər. Azərbaycan ordusu isə öz haqq səsini dünyaya çatdırdı və ermənilərin bütün qanunsuz fəaliyyətinə mane oldu. Dövlətimizin başçısı çıxışında azad edilmiş torpaqlarda bərpa işlərinin aparılması zamanı mütləq yüksək texnologiyalardan istifadə olunmasının vacibliyini xatırladıb. Ali Baş Komandan hazırda minalardan təmizləmə prosesinin getdiyini qeyd edərək, bununla bərabər şəhərsalma layihələrinin hazırlandığını da diqqətə çatdırıb. Həmçinin, bu iş yekunlaşandan sonra artıq praktiki inşaat işlərinə start veriləcəyini, infrastruktur layihələri ilə yanaşı, nəqliyyat və texnologiyalar sahələrinin də diqqət mərkəzində saxlanılacağını qeyd edib. Cənab prezident Şərqi Zənzəgur məsələsində prinsipial mövqeyini bu səfərində də nümayiş etdirdi. Ölkə başçısının sözlərinə görə quruculuq işləri qarşı tərəfin bütün maneələrinə baxmayaraq sürətlə davam edir”.

Tarix: 17 Avqust 2021, 16:33

Xəbər lenti