“İran Azərbaycan boyu sərhədlərdə təlimlərin keçirilməsini dayandırmalıdır” - Deputat

"Ümid edirik ki, İran Ermənistana açıq və ya gizli olan dəstəyini dayandıracaq və regionda uzunmüddətli sülhün bərqərar olması üçün Azərbaycanın təklif etdiyi altılıq və ya beşlik modelinə dəstəyini əsirgəməyəcək. İran Azərbaycan boyu sərhədlərdə təlimlərin keçirilməsini dayandırmalıdır. Ermənistana İran dövlət nişanlı avtomobillərlə petrol və digər məhsulların daşınması zamanı qayda və qanunlara əməl etməlidir. Bu mövzulara Prezident İlham Əliyev "Anadolu" agentliyinə verdiyi müsahibəsində növbəti dəfə qeyd edib".

Bunu Pravda.az-a açıqlamasında Milli Məclisin deputatı Naqif Həmzəyev deyib.

Deputat bildirib ki, istənilən halda beynəlxalq hüquq Azərbaycanın yanındadır: "Azərbaycan əhalisinin böyük əksəriyyəti müsəlmandır və dövlətimiz İslam Əməkdaşlıq Təşkilatının ən fəal üzvlərindən biridir. Biz daim İslam ölkələri ilə münasibətlərə dəyər vermişik və müsəlmanların çox yaşadığı ölkələrlə əməkdaşlığı üstün tutmuşuq. Möhtərəm Prezident İlham Əliyev vaxtilə işğalda olan ərazilərdə ermənilərin məscidlərdə və tarixi-mədəni abidələrimizdə törətdiyi vandal hərəkətləri dəfələrlə vurğulayıb, xüsusilə müsəlman dövlətlərinə müraciət edərək "Ermənistanla necə dostluq etmək olar?" sualını ünvanlayıb. Biz bu sualı bütün müsəlman dövlətlərinə ünvanlayırıq. Əgər erməni vəhşiləri insanlar üçün lazım olan bütün infrastrukturu dağıdır və bizim dini inanc yerimiz olan məscidləri dağıdaraq onlardan tövlə və ya anbar kimi istifadə edirsə, müsəlman ölkələri bunu necə başa düşə bilər, Ermənistanla necə dostluq edə bilər?! Biz unutmamalıyıq ki, İran yalnız müsəlman ölkəsi deyil, orada təxminən 40 milyon Azərbaycan türkü yaşayır. Ürəkləri Qarabağla döyünür, onları belə məsələlərə görə narahat etmək qətiyyən doğru deyil. Biz ümid edirik ki, İran Ermənistana açıq və ya gizli olan dəstəyini dayandıracaq və uzunmüddətli sülhün regionda bərqərar olması üçün Azərbaycanın təklif etdiyi altılıq və ya beşlik modelinə dəstəyini əsirgəməyəcək. İran Azərbaycan boyu sərhədlər təlimlərin kecirilməsini dayandırmalıdır. Ermənistana İran dövlət nişanlı avtomobillərlə petrol və digər məhsulların daşınması zamanı qayda və qanunlara əməl etməlidir. Sənədlərdə Azərbaycan regionlarının adlarının düzgün yazılmasına diqqət etməli və dövlətimizin ərazi bütövlüyünü dəstəklədiyini yalnız sözdə deyil, əməllərində də sübut etməlidir. Azərbaycan tərəfi baş verən proseslərə bacardığı qədər emosional yanaşmır və səbrlə gözləyir. Bir sözlə, təmkinli mövqe tutmuşuq. Bu günə qədər Azərbaycanın qonşu dövlətlərə göstərdiyi münasibət, sərgilədiyi davranış onu deməyə imkan verir ki, biz də eynisini qonşu ölkələrdən, xüsusilə də müsəlman və türk dövlətlərindən gözləyirik. Ümid edirik ki, onlar da Azərbaycan ərazi bütövlüyünə hörmətlə yanaşacaqlar və bu günə qədər etdiklərini bir daha təkralamayacaqlar".

Nəzrin Cavid

Tarix: 27 Sentyabr 2021, 18:00

Xəbər lenti