"Ən zəif tələbələr müəllim olur, zəif şagirdlər yetişdirirlər"

"Təhsil Naziri Emin Əmrullayev deyib ki, ələcəkdə qadınların təhsildə çox olması problem yaradacaq, mma biz kişi müəllimlərin çox olmasını istəyirik. Hörmətli Emin müəllim əslində çox vacib məsələyə toxunub, amma sosial şəbəkələrdə bu ifadəni zarafata çevrildiyini görürəm".

Pravda.az-ın xəbərinə görə, bunu ekspert Natiq Cəfərli bildirib.

N.Cəfərli qeyd edib ki, çox vacib məsələdir: "Hörmətli nazir, bu istəklə, arzu ilə, sağlıq deməklə olmur, bunun üçün sistemli addımlara, maddi stimullara ehtiyac var. Yaponiya tarixən çox konservativ ölkə və cəmiyyət olub. İkinci Dünya müharibəsindən sonra Yaponiyanən yenidən qurulmasına start verərkən ilk təhsildən başladılar. Amma ciddi problem var idi: Konservativ yapon cəmiyyətində kişilərin uşaqlarla vaxt keçirməsinə, hətta uşaqları oxşamasına çox pis baxırdılar, məktəb müəllimlərinin tamamına yaxını isə xanımlar idi. Məktəbdə müəllim işləmək heç ciddi təhsil də tələb etmirdi, xanımlar orta məktəbi bitirəndən sonra özləri müəllim işləyə bilərdilər. Yaponiya hökuməti anladı ki, təhsilsiz iqtisadiyyat, inkişaf ola bilməz, yüksək təhsilli müəllimlər, mütəxəssislər isə ancaq Universitetlərdə dərs deyən kişilər idi, cəmiyyətin ənənəvi davranış və düşüncə tərzi də ciddi maneəyə çevrilmişdi. 1950-ci illərdə Yaponiya hökuməti doğru, amma ilk baxışda tənqidlərə məruz qalan qərar aldı – Yüksək təhsilli məktəb müəllimlərinin maaşını dəfələrlə qaldırdı, məktəb müəllimi universitet müəllimdən azı 2-3 dəfə çox maaş almağa başladı, müəllim peşəsinin prestiji artdı. Nəticədə heç kimin yadına “mentalitet” düşmədi, kişi müəllimlər universitetlərdən çıxıb məktəblərdə dərs deməyə başladılar. Nəticədə Yaponiya iqtisadi yüksəlişə keçdi, qısa zamanda dünya iqtisadiyyatının aparıcı 5 ölkəsindən birinə çevrildi. Bu gün Yaponiyada ibtidai təhsil müəllimlərinin 39%-i, orta təhsil müəllimlərinin 61%-i, yuxarı sinif müəllimlərinin isə 78%-i kişilərdir. Yaponiyada müəllimlər ilə 62 100 dollar maaş alırlar, amma əsas maaş deyil, müəllimlərin çox böyük sosial və tibbi sığortası olur ki, onu da dövlər qarşılayır, digər ciddi imtiyazlar da var – mənzil təminatı, yüksək təqaüd zəmanəti və s. Təhsilin səviyyəsi müəllimin cinsindən asılı deyil – bu dəqiqdir, sadəcə ölkədə müəllimlərin maaşı çox az, onlara yüklənən kənar işlər isə (seçki, siyasi təbliğat və s.) həddən artıq çoxdur. Son 20 ilin qəbul statistikasına baxdıqda görürük ki, ən aşağı balla tələbələr məhz pedaqoji ixtisaslara qəbul olunurlar. Nəticədə qısır döngə yaranır – Ən zəif tələbələr müəllim olur, onlar Universiteti bitirir, məktəbə müəllim kimi gedib daha zəif şagirdlər yetişdirirlər. Bu mənasız “zənziri” qırmaq üçün müəllim peşəsinin həm pristiji, həm də maaşı kəskin artmalıdır – bu isə, cənab nazir, bir daha deyim ki, arzularla, gözəl sağlıq deməklə olmur..."

Tarix: 11 Oktyabr 2021, 23:33

Xəbər lenti