BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Prezident, hətta belə bir vəziyyətdə də uyğun bilib ki, sosial ödənişlər artırılmalıdır” - RƏY

"Azərbaycan Prezidenti İlham Əliyevin "Əhalinin sosial rifahının qorunması sahəsində əlavə tədbirlər haqqında" Sərəncamını alqışlayıram. Bu, çox mühüm və açığı desəm, gözlənilən sərəncam idi. Biz əməkhaqqının, təqaüd və sosial müavinətlərin artırılması məsələsini Milli Məclisdə dəfələrlə müzakirə etmişik. Çox şadam ki, Prezident bu cür əhəmiyyətli bir sərəncam imzalayıb və Nazirlər Kabinetinə 2022-ci ilin dövlət büdcəsinə əlavə edilməsi barədə müvafiq tapşırıqlar verib".

 

Bunu Pravda.az-a açıqlamasında deputat Tahir Kərimli deyib.

 

 

Deputat bildirib ki, sərəncam 1 milyona yaxın vətəndaşın əmək haqqılarının, 400 mindən çox vətəndaşın isə sosial müavinətlərinin artırılmasını təmin edəcək: “Sərəncam ümumilikdə 2 milyona yaxın vətəndaşa aid edilir. Təbii qazın və elektrik enerjisinin qiymətinin artırılması fonunda bu sərəncamın imzalanması olduqda əhəmiyyətlidir. Nəzərə almaq lazımdır ki, dövlətimiz Vətən müharibəsindən çıxıb və dünya ölkələri kimi Azərbaycan da pandemiya ilə mübarizə aparıb. Bu, xeyli maddi itki deməkdir. Ölkəmiz hələ indi postmüharibə və postpandemiya dövründə iqtisadiyyatını bərpa etməyə başlayır. Prezident, hətta belə bir vəziyyətdə də uyğun bilib ki, sosial ödənişlər artırılsın. Pandemiya dövründə də ölkədə sosial layihələr icra edilirdi, 160 və 190 manatlıq fərqli sosial müavinətlər təyin edilmişdi. Hazırda Qarabağda da bərpa və quruculuq işləri davam etdirilir. Belə olan vəziyyətdə, sosial ödənişlərin artırılması ilə bağlı sərəncam imzalanması böyük əhəmiyyətə malikdir. Bu proseslərin paralel aparılması təqdirəlayiqdir".

 

T.Kərimli vurğulayıb ki, Azərbaycan iqtisadiyyatının inkişafı üçün ciddi işlər görmək lazımdır:  "İnanıram ki, Nazirlər Kabineti Prezidentin sərəncamına uyğun olaraq təkliflər hazırlayacaq və bu prosesi yüksək səviyyədə yerinə yetirəcək. Eyni zamanda, bazar iqtisadiyyatına keçid üçün də müəyyən təkliflər hazırlanmalı, rüşvətxorluq və inhisarçılıq aradan qaldırılmalıdır. Hesab edirəm ki, Nazirlər Kabinetinin təkliflərində bütün bu məsələlər öz əksini tapacaq və əhalinin sosial rifahının yaxşılaşdırılması istiqamətində ciddi işlər görüləcək. Bir sözlə, Prezidentin "Əhalinin sosial rifahının qorunması sahəsində əlavə tədbirlər haqqında" Sərəncamını müdafiə edirəm".

Tarix: 18 Oktyabr 2021, 14:40   
-->
Xəbər lenti
Çox oxunanlar

Ən son xəbərləri səhifəmizdən də izləyin