BURADA REKLAMINIZ OLA
BİLƏR

BURADA REKLAMINIZ OLA
BİLƏR

"İnsanlar üçüncü doza peyvənd vurduraraq soyuq havalarda yoluxmadan qoruna bilərlər"

"Təhsil müəssisələrinin qapadılmasına və ya distant təhsilə keçidinə isti baxmıram, ümid edirəm ki, bizim təhsilalanlar ənənəvi tədrisə davam edərlər. Vətəndaşlar isə dövlətin pandemiya ilə mübarizə tədbirlərində aktiv iştirak edərək peyvənd vurdurmalıdırlar. Hətta vaksinasiyanın iki mərhələsində iştirak edənlər üçüncü doza peyvənd vurduraraq soyuq havalarda yoluxmadan qoruna bilərlər".


Bunu Pravda.az-a açıqlamasında Milli Məclisin deputatı Naqif Həmzəyev deyib.


O bildirib ki, Azərbaycanda sentyabrın 22-dən etibarən ənənəvi dərslər bərpa edildi və daha sonra mərhələli şəkildə yuxarı siniflər və tələbələr də ənənəvi tədrisə cəlb edildi: "Ötən müddət ərzində koronavirusa yoluxma halı qeydə alınsa da, sadəcə lokal şəkildə həmin sinifin şagirdlərinin distant formada təhsil alması ilə nəticələnirdi. Yəni, ümumilikdə orta və ali məktəblərdə dərslərin ənənəvi formada tədrisi davam etdirilir. Hesab edirəm ki, havalar soyuduqca yoluxma sayı arta bilər, amma buna görə məhdudiyyətlərin tətbiqi əlavə problemlərin yaranmasına səbəb ola bilər. Yəni, distant təhsilin yenidən bərpası problemin həll yolu deyil. Ona görə də biz çalışmalıyıq ki, bütün müəllimlərin vaksinasiyasına nail olaq. Hətta iki doza vaksin vurdurmuş müəllimlərin buster doza ilə peyvəndlənməsi də vacibdir. Bu, yoluxma halının müəyyən də qədər də olsa azalmasına şərait yaradacaq. Məktəblilərin də immunitetinin gücləndirilməsi üçün hesab edirəm ki, idman dərslərinə ciddi fikir vermək lazımdır. Sağlam həyat tərzinin təbliği çox vacibdir. Təəssüflər olsun ki, mərkəzdən kənarda xüsusilə rayon və kənd məktəblərində idman dərslərinə xüsusi önəm verilmir və başqa fənn dərsləri ilə əvəzlənir. Şagirdləri sağlam həyat tərzinə öyrəşdirmək lazımdır. Belə olan halda, nəinki COVID-19, digər xəstəliklərə yoluxma ehtimalı da kifayət qədər aşağı düşər. Qısacası, mən təhsil müəssisələrinin qapadılması və ya distant təhsilə keçidinə isti baxmıram, ümid edirəm ki, bizim təhsilalanlar ənənəvi tədrisə davam edərlər. Vətəndaşlar isə dövlətin pandemiya ilə mübarizə tədbirlərində aktiv iştirak edərək peyvənd vurdurmalıdırlar. Hətta vaksinasiyanın iki mərhələsində iştirak edənlər üçüncü doza peyvənd vurduraraq soyuq havalarda yoluxmadan qoruna bilərlər. Bele olarsa, yenidən qapanmaların tətbiqi labüd olmaz".

Nəzrin Cavid

Tarix: 19 Oktyabr 2021, 12:46   
-->
Xəbər lenti
Çox oxunanlar

Ən son xəbərləri səhifəmizdən də izləyin