BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Azərbaycan və Ukrayna Prezidentlərinin yaxın münasibəti xalqların daha da yaxınlaşmasına gətirib çıxarır” - RƏY

“Azərbaycan məhz Krım hadisələrindən sonra da Ukraynanı dəstəkləyən ilk dövlətlərdən olub. 44 günlük Vətən müharibəsində də Ukrayna Azərbaycanı dəstəkləyib. Hər iki ölkə bu dəstək siyasətini aparmağa hazırdır. Hesab edirəm ki, iki dövlət arasındakı tarixi yaxınlıq ölkə başçılarının münasibətinə müsbət təsir göstərir. Prezidentlərin yaxın münasibəti isə xalqların daha da yaxınlaşmasına gətirib çıxarır. Bu, zəncirvari prosesdir”.

 

Bunu Pravda.az-a açıqlamasında Azərbaycan-Ukrayna parlamentlərarası əlaqələr üzrə işçi qrupun rəhbəri Rüfət Quliyev deyib.

 

 

Deputat qeyd edib ki, Azərbaycanın Ukrayna ilə münasibətləri hər zaman yüksək səviyyədə olub: “Bizim, demək olar ki, bütün sferalarda münasibətlərimiz möhkəmlənib. 2019-cu ildə Ukraynanın Prezidenti seçilən Volodimir Zelenskinin ilk xarici səfərləri Azərbaycana olub. Həmin ilin dekabr ayında isə iki dövlət başçısı şəxsən tanış olub və bir daha sübut edilib ki, Azərbaycan və Ukrayna strateji müttəfiqdir. Prezidentlər arasında baş tutan növbəti görüş də dövlətarası münasibətlərin yaxşılaşdırılmasına xidmət edir. İki dövlət arasındakı həm ikitərəfli, həm də beynəlxalq əlaqələr güclü inkişaf yolu keçib, hələ o vaxtı Ulu öndər Heydər Əliyevin təşəbbüsü ilə Ukrayna ilə münasibətlərin inkişaf xəttinə start verilib. İnanırıq ki, iki ölkə arasındakı münasibətlər gələcəkdə də intensiv formada inkişaf edəcək. Beynəlxalq aləmdə Azərbaycan Ukraynanı, Ukrayna da hər zaman Azərbaycanı dəstəkləyib. Nəzərə almaq lazımdır ki, Ukrayna Avropada ikinci nəhəng ölkədir, Avropanın qapısı hesab etmək olar. Bu, həm siyasi, həm də iqtisadi mənada bizim üçün çox əhəmiyyətlidir. Onu da qeyd edim ki, 2020-ci ilin sentyabrın 14-də Ukrayna Prezidenti milli təhlükəsizliyin yeni strategiyası haqqında xüsusi sərəncam imzalayıb. Orada 36-cı bənddə Azərbaycan və Türkiyə Ukraynanın rəsmi strateji müttəfiqi kimi qeyd olunub. Bu, ciddi məsələdir”.

 

Nəzrin Cavid

Tarix: 15 Yanvar 2022, 15:48   
-->
Xəbər lenti
Çox oxunanlar

Ən son xəbərləri səhifəmizdən də izləyin