BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: "Hansısa xəstəliyin təlaşı ilə dərmanları qısa vaxtda alıb yığırlar, bu, düzgün deyil"

“Sözsüz ki, qiymət artımları ailələrin büdcəsinə təsir edir. Ona görə də qiymətlərin süni şəkildə artırılmasının tərəfdarı deyiləm. Bir sıra hallarda isə qiymətlər müəyyən obyektiv səbəblərlə əlaqədar olaraq artırıla bilər. Əgər qiymətlər dünya bazarı ilə tənzimlənirsə, Azərbaycan dünyaya inteqrasiya edir və digər ölkələrlə əlaqələrini artırırsa, bir sıra vacib sənədlərə imza atırsa, deməli, dünyada baş verən dəyişikliklərin ölkədəki qiymətlərə təsir etməsi gözləniləndir. Dərmanların qiymətinin artırılmasının da müəyyən səbəbləri var”.

Bunu Pravda.az-a açıqlamasında Milli Məclisin deputatı Tahir Rzayev deyib.

Deputat bildirib ki, dünya bazarında dərman qiymətlərinin artması təsir edən ilk amillərdəndir: “Digər tərəfdən isə, bu, vətəndaşların müəyyən qədər təşvişə düşməsi ilə bağlıdır. Əgər hansısa xəstəlik dünyada mövcuddursa, Azərbaycana da gələ bilər. Vətəndaşlar bir sıra hallarda dərmanları qorxu içində istifadə edirlər. Hansısa xəstəliyin təlaşı ilə ərzaq məhsulları kimi dərman preparatlarını da qısa vaxtda alıb yığırlar. Bu, düzgün üsul deyil. Misal üçün, COVID-19 pandemiyası ilə mübarizədə ölkədə baş verən hadisələr, görülmüş qabaqlayıcı tədbirlər hər birimizə məlumdur. Lazım olan dərman preparatları, vaksinlər ölkədə mövcuddur. Dərman preparatlarının qiymət artımı müəyyən qaydada tənzimlənməli və əhali məlumatlandırılmalıdır. Təəssüflər olsun ki, bir çox halda aiddiyyatı qurumlar qiymətlər qalxdıqdan sonra maarifləndirmə işinə başlayırlar. Bu, doğru yanaşma deyil. Əksinə, maarifləndirmə işləri əvvəlcədən həyata keçirilməlidir”.

Nəzrin Cavid

Tarix: 15 Yanvar 2022, 17:55   
-->
Xəbər lenti
Çox oxunanlar

Ən son xəbərləri səhifəmizdən də izləyin