“Moskva Bəyannaməsində dövlətimizin, müstəqilliyimizin, xalqımızın əleyhinə hər hansı bir təhdid yoxdur” - RƏY

“İkinci Qarabağ müharibəsində zəfərimizi şərtləndirən ən vacib amillərdən biri də prezident İlham Əliyevin uzun illərə söykənən diplomatiyası olub. Bu diplomatiyanın əsas səciyyəvi xarakteri ən başda Azərbaycanın milli maraqlarına əsaslanan müstəqil siyasət yürütmək idi. 44 günlük müharibə zamanı hegemon dövlətlər nəinki Azərbaycana hər hansı bir sanksiyalar tətbiq etdi, hətta Azərbaycanın BMT-nin müvafiq qətnamələrinə uyğun olaraq öz torpaqlarında döyüş apardığını bildirdi. Bu dövlət başçısının uzaqgörən siyasətinin bəhrəsi və uğuru idi. Hazırda dünyada gərgin tarixi anlar yaşanır ki, biz də bu anların şahidi oluruq. Bu vəziyyətdə balanslaşdırılmış siyasət yürütmək həqiqətən vacib məqamdır. Biz beynəlxalq əməkdaşlığın və tərəfdaşlığın hər zaman dəstəkçisiyik”.

Bunu Pravda.az-a açıqlamasında Milli Məclisin deputatı Müşfiq Cəfərov bildirib.

Müşfiq Cəfərov: Laçının azad olunması ilə ərazi bütövlüyümüz təmin edildi - Yeni Gəncə

Deputatın sözlərinə görə, Rusiya dövlətilə imzalanan bəyannamə (Moskva Bəyannaməsi – red) də beynəlxalq əməkdaşlığın bir nümunəsidir: “Qarşılıqlı əməkdaşlıq barədə müvafiq sənədin hazırlanması ilə bağlı cənab prezident 2020-ci il 10 oktyabr tarixində Rusiya kanalına verdiyi müsahibədə iki ölkə arasında əməkdaşlığın yüksək səviyyədə rəsmiləşəcəyi ilə bağlı qeyd etmişdi. Lakin bu sənədi cəmiyyətə, dövlət müstəqilliyinə qarşı böyük bir təhlükə kimi təqdim edən şəxslər var. Dünən imzalanan 43 maddəlik bəyannamənin mətnində ölkəni birbaşa narahat edən, birbaşa təhdid edən heç bir maddə yoxdur. Onu da qeyd edim ki, əgər bu sənədi Şuşa bəyənnaməsilə qarşılaşdırsaq sözsüz ki, qardaş Türkiyə ilə imzalanan sənəd qarşılıqlı öhdəliklər baxımından daha güclüdür. Moskvada imzalanan sənədin məğzi budur ki, tərəflər razılaşır ki, Xəzər dənizində sahil ölkələrə məxsus hərbi kontingentdən başqa heç bir ölkənin hərbçiləri olmamalıdır. Bu, uzun illər əvvəl qəbul olunmuş Xəzərin statusu haqqında sənəddə də olan bir maddədir. Həmçinin, əsas məsələ qarşılıqlı ticarət əlaqalərinin genişləndirilməsidir ki, Moskva Azərbaycandan gözləyir ki, ona qarşı ola biləcək kəskin sanksiyalar zamanı da ticarətimiz davam etsin. Bu, normal haldır. Şimal qonşumuza qoyulacaq hər hansı bir saksiyanın bizim əməkdaşlığımıza təsiri olmamalıdır. Xüsusi olaraq qeyd edim ki, sənəddə MDB və KTMT-nin, həmçinin Gömrük İttifaqının adı keçmir. Bəyannamədə qeyd olunan əsas məsələ odur ki, iki ölkə arasında münasibətlər, sərhədlərin toxunulmazlığı, bir-birinin suverenliyinə və ərazi bütövlüyünə qarşılıqlı hörmət prinsipinə əsaslanır. Mövcud bəyannamədə dövlətimiz, müstəqilliyimiz, xalqımız əleyhinə hər hansısa bir təhdid yoxdur".

Kənan

Tarix: 23 Fevral 2022, 14:59

Xəbər lenti