Nəsiman Yaqublu: "Etibar Əliyevi BDU-nun yubileyindən qovublar"

Azərbaycan Xalq Cümhuriyyətinin banilərindən olan Məhəmməd Əmin Rəsulzadənin irsini tədqiq edən Nəsiman Yaqublu 31 saylı Suraxanı ikinci seçki dairəsi üzrə deputatlığa lider namizəd Etibar Əliyevə cavab verib.

Pravda.az-ın xəbərinə görə, Nəsiman Yaqublu Etibar Əliyevi sərt tənqid edib.

N.Yaqublu deyib:

"Səni mövqesizliyinə görə universitetin yubileyində qapıdan qovdular. Sənin əqidən olmayıb ki... gah Müsavatda olmusan, gah da... Bəli, mən Rəsulzadə irsini səni Milli Məclisə təyin edənlərə olsun ki, sevdirə bilməmişəm.

E.Əliyev onun seçilməsi yox, təyin edilməsi fikrimə əsaslı cavab vermək əvəzinə xırda hisslərə qapılıb və mənim Təhsil Nazirliyində olan bir problemimə etdiyi köməkdən danışıb. Mən həqiqətən problemin həlli üçün keçmiş müsavatçı kimi təhsil nazirliyindəki əlaqələrini düşünüb ona müraciət etmişdim. O isə məni nazirlikdə Aparat rəhbərinin müavini Y.Piriyevin yanına göndərmişdi.Y.Piriyev məsələni həll edə bilməmişdi.Bunu Etibar Yaqub müəllimdən soruşa da bilər.Belə olduğu halda onun mənim işimə kömək etməsi fikrini yayması yenə onun ictimaiyyəti çaşdırdığını göstərir.Etibarın savadlı insan olduğunu qeyd etsəm də onun əqidəsiz olduğunu da bildirirəm.O əvvəllər Müsavat Partiyasında idi, sonra Müsavatı atıb Odlar Yurdu universitetinin rektoru Ə.Vəliyevin yanına - ona vəkillik etməyə getdi.Sonra Təhsil naziri M.Mərdanovun yanından qovuldu və başladı onun haqqında anektodlar düzəldib danışmağa, davamınca yeni naziri - M.Cabbarovu təriflədi.E.Babayev BDU-ya rektor təyin ediləndə bir qrup adam ona qonaqlıq verdi və başladı bir yerdə oxuduğu rektoru tərifləməyə.Sonra nə oldusa, hansı işi keçmədisə rektorun prinsipial mövqeyini görüb rektoru tənqid etdi və nəticədə universitetin 100 illik yubileyindən qapıdan biabırcasına qovuldu.Etibar bəy, bu faktlar bəs edir yoxsa yenə sadalayım?Sənə saxtakar sözünü deyənlərin sayı yüzlərlədir və bacarığın çatırsa əlində ciddi seçki sənədlərin varsa Mehman bəyin dediklərini təkzib et və ictimaiyyəti inandır.Mən isə sənə saxtakar yox, saxta yolla təyin edilən demişəm.Mənim yazdığım kitablarla isə nəsillər böyüyür və bununla da fəxr edirəm.Bəs sən nə yazıb ortalığa qoymusan?O ki, qaldı Rəsulzadə irsini mənim cəmiyyətə sevdirə bilməməyimə. sən bax burada əsil saxtakarlığa yol verirsən - onun haqqında yazdığım kitabları minlərlə insan maraqla oxuyur və xoş sözlərini yazırlar. Bəli, mən Rəsulzadə irsini səni Milli Məclisə təyin edənlərə olsun ki, sevdirə bilməmişəm.Bu başqa bir problemdir.Bu sualın cavabını-yəni mənim haqlı mövqedə olduğumu-yəni Rəsulzadə irsi olmadan demokratik cəmiyyət qurmağın mümkünsüzlüyü cavabını isə zaman özü verəcək!"

Tarix: 24 Fevral 2020, 21:54

Xəbər lenti