BURADA REKLAMINIZ OLA
BİLƏR

BURADA REKLAMINIZ OLA
BİLƏR

Qardaşını öldürən şəxslə bağlı qərar verildi

Şəki Apellyasiya Məhkəməsində Ağdaş rayonunda qardaşını qətlə yetirməkdə təqsirləndirilən Mustafa Aləşrəfovun barəsində olan hökmdən verilən apellyasiya şikayətinə baxılıb.

 

Pravda.az-ın əldə etdiyi məlumata görə, hakim İmanverdi Şükürovun sədrliyi ilə keçirilən iclasda qərar qəbul edilib.

 

Qərara əsasən, onun kassasiya şikayəti təmin olunmayıb. Hökm dəyişdirilmədən saxlanılıb.

 

Qeyd: Şəki Ağır Cinayətlər Məhkəməsinin hökmü ilə o, 18 il müddətinə azadlıqdan məhrum edilib.

 

Hadisə 2021-ci il iyunun 17-də Ağdaş rayonunun Abad kəndi ərazisində qeydə alınıb.

 

Belə ki, 1959-cu il təvəllüdlü M.Aləşrəfovla qardaşı, 1968-ci il təvəllüdlü Qələndar Aləşrəfov arasında şəxsi münasibətlər zəminində mübahisə yaranıb. Nəticədə o, Q.Aləşrəfovu odlu silahdan atəş açaraq qətlə yetirib.

 

Daha sonra M.Aləşrəfov şübhəli şəxs qismində tutularaq istintaqa cəlb edilib.

 

İstintaq orqanı tərəfindən onun barəsində Cinayət Məcəlləsinin 120.2.6-cı (Qəsdən adam öldürmə, başqa cinayəti gizlətmə və ya onun törədilməsini yüngülləşdirmə məqsədi ilə, habelə zorlama və ya seksual xarakterli başqa zorakı hərəkətlərlə əlaqədar adam öldürmə) və bir neçə maddəsi ilə ittiham irəli sürülüb.

 

Kamal Məmmədov

Tarix: 22 İyun 2022, 09:14   
-->
Xəbər lenti
Çox oxunanlar

Ən son xəbərləri səhifəmizdən də izləyin