BURADA REKLAMINIZ OLA
BİLƏR

BURADA REKLAMINIZ OLA
BİLƏR

Azərbaycan müdafiə xərclərini artırır, müharibəyə hazırlaşır? – Deputatdan AÇIQLAMA

“Azərbaycan sülh istədiyinə görə hər zaman Silahlı Qüvvələrini yüksək səviyyədə saxlamalıdır. 44 günlük Vətən müharibəsindən sonra, təbii ki, Silahlı Qüvvələrimiz yenidən gücünü bərpa etməlidir. Ən müasir silahlarla təmin olunmalıdırlar”.

 

Bu sözləri Pravda.az-a Milli Məclisin deputatı Asim Mollazadə deyib.

A.Mollazadə qeyd edib ki, Silahlı Qüvvələrin gücünü bərpa etməsi sülhün və sabitliyin zəmanətidir, çünki Azərbaycan Silahlı Qüvvələrinin gücü bütün bölgəyə sabitlik gətirir və hansısa revanşistləri yenidən müharibəni başlamaqdan çəkindirir.

 

Qeyd: “Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dəyişiklik edilməsi barədə” qanun layihəsinə əsasən, Azərbaycanın 2022-ci ildə müdafiə və milli təhlükəsizlik xərcləri artırılır. Bu xərclər 4 489 892 429 manatdan 5 084 759 665 manata çatdırılır. Bu vəsaitdən müdafiə qüvvələri üçün 2 164 704 591 manat, milli təhlükəsizlik üçün 295 006 782, sərhəd xidməti üçün 433 205 951 manat, müdafiə və milli təhlükəsizlik sahəsində tətbiqi tədqiqatlar üçün 4 680 977, müdafiə və milli təhlükəsizlik sahəsinə aid edilən digər fəaliyyətlər üçün 2 187 161 364 manat ayrılacaq. Müdafiə və milli təhlükəsizlik sahəsinə aid edilən digər fəaliyyətlər üçün ayrılacaq 2 187 161 364 manat vəsaitdən xüsusi müdafiə təyinatlı layihələr və tədbirlər üzrə xərclərə 2 180 442 500 manat yönəldiləcək.

 

Aytəkin Qardaşova

Tarix: 22 İyun 2022, 10:50   
-->
Xəbər lenti
Çox oxunanlar

Ən son xəbərləri səhifəmizdən də izləyin