BURADA REKLAMINIZ OLA
BİLƏR

BURADA REKLAMINIZ OLA
BİLƏR

İçərişəhərdə tarixi abidəyə müdaxilə olub

Şirvanşahlar Sarayının Murad Qapısındakı baxış meydançasından açılan dəniz mənzərəsi yaxınlığındakı binanın damına əlavə avadanlıqlar quraşdırılıb.

 

Pravda.az xəbət verir ki, bu barədə Rəsul Rzalı adlı "Facebook" istifadəçisi məlumat verib.

 

O bildirib ki, 2021-ci ilin noyabr ayında sözügedən ərazidən keçəndə həmin binanın fasad və damının təmirə bağlandığını görüb: “Arxitektura və Şəhərsalma Komitəsi yanındakı İctimai Şuranın üzvü olan həmkarıma məsələnin araşdırılması üçün müraciət etdim. Oradan İçərişəhər Qoruğuna sorğu göndərildi. Qoruq əmin etdi ki, sadəcə fasad təmiridir, dama heç bir əlavə olunmayacaq. Biz də rahatlaşdıq, amma şübhələrim tam çəkilməmişdi. Dünən oradan keçəndə gördüm ki, təmir işləri tamamlanmaq üzrədir, dama mənzərəni bağlayan əlavələr quraşdırılır. Bunlar yüngül qurğu olsa da, mənzərə meydançasının dəyərini tam məhv edirlər. Şirvanşahlar Sarayı İşərişəhərin ən yüksək nöqtəsində yerləşir. Murad Qapısı yanındakı baxış meydançası oranın vacib ictimai məkanı, təbii-tarixi landşaftının mühüm hissəsidir. Qonşu binanın damındakı kafenin ziyarətçilərinə görə qalan bakılıları və qonaqları bu mənzərədən mərhum etmək olmaz. Damdakı əlavə qurğular təcili sökülməlidir. İçərişəhər mənzərələrinin xeyli hissəsi artıq təəssüf ki, itirilib. Daha birinin məhv edilməsinə imkan verməyək”.

 

Məsələ ilə bağlı İçərişəhər Qoruğuna sorğu göndərsək də, cavab ala bilmədik.

 

Aytəkin Qardaşova

Tarix: 22 İyun 2022, 12:16   
-->
Xəbər lenti
Çox oxunanlar

Ən son xəbərləri səhifəmizdən də izləyin