BURADA REKLAMINIZ OLA
BİLƏR

BURADA REKLAMINIZ OLA
BİLƏR

Vəfa Aslan: "Jurnalistləri çox tənqid edirik, amma müsbət dinamikanı da dəyərləndirmək lazımdır"

Universitetdə tədris başa çatıb. Fürsətdən istifadə edib elmi işimlə əlaqədar olaraq Azərbaycan mediasını bir neçə müddətdir ki, monitorinq edirəm. Mövzumla bağlı kəmiyyət etibarı ilə çox material əldə edə bilməsəm də, həm onlayn, həm də çap mediasının keyfiyyətində müəyyən müsbət tendensiyaların şahidi oluram. Media subyektlərini, jurnalistləri çox tənqid edirik, amma müsbət dinamikanı da dəyərləndirmək lazımdır. Məsələn, bir çox saytlar maraqlı rubrikalardan ibarət yeni tərtibatları ilə göz oxşayırlar və orijinal material normaları ilə çalışırlar. Onların çoxu artıq jurnalist etikasının nə olduğunu anlayır, onu pozmamağa çalışırlar.

 

Bir çox yazılı media subyektlərində bədii-publisistika janrında dil normalarının qorunduğu, hətta Azərbaycan dilinin inkişafına dəstək verə biləcək müəllif yazılarına rast gəlirəm. Bu baxımdan ənənəvi publisistikanın hələ də yaşadığının müşahidə etmək olur.

 

Eyni zamanda qəzet saytları onlayn media subyektlərindən geri qalmır, əksinə məzmun yaratmaq, əhəmiyyətli kontent vermək baxımından da fərqlənə bilirlər.

 

Yəqin ki, çoxdan fəaliyyət göstərən və yeni yaranan media subyektləri jurnalistikanın inkişafı yönündə apardıqları konseptual yanaşmalarını sərgiləməkdə davam edəcəklər.

 

Vəfa Aslan

 

Bakı Dövlət Universitetinin dosenti

Tarix: 1 İyul 2022, 17:01   
-->
Xəbər lenti
Çox oxunanlar

Ən son xəbərləri səhifəmizdən də izləyin