BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Azərbaycanı xeyli sayda elm adamları tərk edib” – Etibar Əliyev

“Beyin axını” kiçik ölkələri pis vəziyyətə salıb. Azərbaycanı xeyli sayda elm adamlarımız tərk edib. Onların kənarda uğurlarını görəndə istər-istəməz beynimizdən belə bir sual keçir: “Burda olsaydılar, daha yaxşı olmazdımı?” Təbiət elmlərinin tanınmış alimlərinin yeri daha çox görünür. Yeni nəsil fizik, riyaziyyatçı, kimyaçı, İKT mütəxəssisləri yetişdirmək olduqca vacibdir, həm də çətindir.

 

Pravda.az-ın xəbərinə görə, bunu deputat Etibar Əliyev bildirib..

 

E.Əliyev qeyd edib ki, Nobel mükafatı laureatı Əbdüs Salam 300-dən çox pakistanlı fizik yetişdirib: “Əziz Sancar da bu missiyanı davam etdirir. Yaponların isə bəxti gətirib. Son 10 ildə elm sahələri üzrə 12 Nobel mükafatı laureatı... Yapon alimləri ölkələrində yetişiblər və ölkələrində  çalışırlar. İnsan kapitalından danışırıq: Bu paradiqmanın tutumunu daha çox fundamental elmlər təşkil edir. Ölkəni tərk edən tanınmış fiziklər, kimyaçılar və riyaziyyatçılar elə bil ki, nədənsə küsüblər. Onlar ildə bir neçə dəfə gəlib universitetlərimizdə kurslar aparsalar, tələbələrlə görüşsələr, çox faydalı ola bilər. Ancaq onların belə fəaliyyətini görmürük. Bəlkə özlərinə sığışdırmırlar bunu! Elm adamı umu-küsünü unutmalıdır. Əməkhaqqı və universitetlərdəki mühit bəhanə gətirilə bilər. Burda tələbənin və şagirdin heç bir günahı yoxdur. ABŞ, Çin, Hindistan kimi ölkələrə beyin axınının təsiri hiss olunmur. Ancaq bizdə artıq bu, aclıq forması kimi özünü biruzə verir”.

 

Kənan

Tarix: 2 İyul 2022, 11:35   
-->
Xəbər lenti
Çox oxunanlar

Ən son xəbərləri səhifəmizdən də izləyin