BURADA REKLAMINIZ OLA
BİLƏR

BURADA REKLAMINIZ OLA
BİLƏR

Bu mövqelərin azad olunması ilə birbaşa Xankəndiyə nəzarət edəcəyik - VİDEO

Ötən gün Azərbaycan Ordusunun həyata keçirdiyi ''Qisas'' əmliyyatı ilə bir sıra hakim yüksəkliklər tam nəzarətə götürüldü. Bununla da Qarabağda qeyri-qanuni erməni silahlı dəstələrinin üzvlərinin məqsəd və arzuları puç oldu. bəs uğurlu əməliyyatla nəzarətə götürülən bu yüksəkliklər ordumuza hansı imkanlar yaradır?

 

Vətən müharibəsindən sonra Azərbaycan ordusu növbəti dəfə öz gücünü göstərdi. Dəfələrlə ərazidən çıxmaqları ilə bağlı xəbərdarlıq edilməsinə baxmayaraq, terror-təxribat əməllərindən çəkinməyən qeyri-qanuni erməni silahlı dəstələrinin üzvləri öz cavablarını aldılar.

 

Azərbaycan Ordusu bölmələrinin keçirdiyi "Qisas" cavab əməliyyatı nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliylər nəzarətə götürüldü. Bəs bu yüksəkliylər hansı strateji əhəmiyyətə malikdir?

 

Hərbi ekspert Ramil Məmmədlinin sözlərinə görə, həm Qırxqız, həm Sarıbaba yüksəkliklərinin nəzarətə götürlməsi Azərbaycan Ordusu üçün kifayət qədər imkanlar açacaq. Bundan sonra qarşıya qoyulan tapşırıqların yerinə yetirilməsində hansısa çətinliklə üzləşilməyəcək. Hərbi ekspert deyir ki, Qarabağın dağlıq hissəsində ən strateji məntəqə Şuşa, Əsgərən rayonu və Qırxqız yüksəkliyi sayılır. Azərbaycan ordusu bu əraziləri özündə saxlamaqla Qarabağın dağlıq hissəsinin mərkəzini tamamilə nəzarət altında saxlayır.

 

Bütün bunlarla yanaşı, bu yüksəkliklərin götürülməsi ilə Xocalı şəhərinə qədər olan yaşayış məntəqələrinə də nəzarət etmək mümkün olacaq.

 

Hərbi ekspert Ramil Məmmədli hesab edir ki, ötən gün Azərbaycan ordusunun həyata keçirdiyi "Qisas" cavab əməliyyatının strateji əhəmiyyətindən əlavə onun hərbi-siyasi əhəmiyyəti də oldu.

 

Bu arada yol hərəkəti üzrə ekspert Ərşad Hüseynov feysbuk sosial şəbəkə hesabında nəzarətə götürdüyümüz Sarıbaba dağının fotosunu paylaşıb. O qeyd edib ki, fotonu bu ilin yanvarında dağın şimal-qərbindən - doğulduğu Mayıs kəndindən, təxminən 20 km məsafədən çəkib.

 

Tarix: 4 Avqust 2022, 22:03   
-->
Xəbər lenti
Çox oxunanlar

Ən son xəbərləri səhifəmizdən də izləyin