BURADA REKLAMINIZ OLA
BİLƏR

BURADA REKLAMINIZ OLA
BİLƏR

Şeyxin qardaşı: “Din üzərindən təxribat törədənlər bizi dəstəkləməyən anti-milli qüvvələrdir, “5-ci kolon”un üzvləridir”

“Londondakı səfiriliyimizdə baş verən hadisə Azərbaycan siyasətini dəstəkləməyən bəzi qüvvələrin əli ilə törədilib. Azərbaycanın iqtisadiyyatının artmasına, bölgədə söz sahibi olmasına qarşı çıxan, cənab Prezident İlham Əliyevin apardığı davamlı və düzgün siyasəti dəstəkləməyən “sapı özümüzdən olan baltalar” xaricdə oturub dövlətimizə, dövlətçiliyimizə maneə törətmək və bunun nəticəsində dövlət rəhbərliyinin gördüyü işləri heçə saymaq, guya Azərbaycanda demokratiya və inkişafın olmadığını dünyaya bildirmək istəyirlər. Onların özlərinin də burada təsirlər var”.

 

Bu sözləri Pravda.az-a açıqlamasında Milli Məclisin deputatı Cavanşir Paşazadə deyib.

 

Deputat bildirib ki, Məhərrəm ayından istifadə edib Azərbaycana qarşı bu cür təxribatlar törətməyə çalışırlar: “Məhərrəm ayı Azərbaycan xalqı, şiələr üçün müqəddəs ay sayılır. Ona görə də məhz bu ayda belə bir hadisəni həyata keçirməyi planlaşdırıblar. Bu, çox ucuz və cılız siyasətdir. Sərhəddə olan bəzi məsələlərlə bağlı dezinformasiya yayanlar Məhərrəm ayından da istifadə edib insanları öz ətraflarına yığmaq istəyirlər. Təbii ki, buna nail ola bilmirlər. İstər sovet dövründə, istər ondan sonrakı dövrlərdə Məhərrəm ayında Azərbaycanda dövlətə, xalqa qarşı heç vaxt hörmətsizlik olmayıb. Əlbəttə, söhbət əsl müsəlmanlardan, azərbaycanlılardan gedir. Bu, mümkün deyil. Xırda məfhumlar Britaniyada bu hadisəni törətmək istəyib. Azərbaycanda dinlə bağlı heç bir problem yoxdur, ölkəmizdə dini və milli tolerantlıq hökm sürür. Aşura günündə hamımız şahidik ki, xristianlar, yəhudililər, ayrı-ayrı dinlərə mənsub olan insanlar aksiyada iştirak edərək bizimlə yanaşı qan verirlər, dinimizə, dəyərlərimizə hörmətlə yanaşırlar. Din üzərindən təxribat törədənlər daxildə bizi dəstəkləməyən anti-milli qüvvələrdir, “5-ci kolon”un üzvləridir. Lakin istəklərinə nail olmayacaqlar”.

 

Qeyd: C.Paşazadə Qafqaz Müsəlmanları İdarəsinin sədri Allahşükür Paşazadənin qardaşıdır.

 

Aytəkin Qardaşova

Tarix: 5 Avqust 2022, 12:06   
-->
Xəbər lenti
Çox oxunanlar

Ən son xəbərləri səhifəmizdən də izləyin