BURADA REKLAMINIZ OLA
BİLƏR

BURADA REKLAMINIZ OLA
BİLƏR

Cavid Osmanov: ““Sapı özümüzdən olan baltalar” Londondakı hadisənin mahiyyətini gizlətməyə çalışırlar”

“Azərbaycanın Böyük Britaniyadakı səfirliyinə radikal dini qruplaşmanın bir sıra üzvləri tərəfindən edilən hücum vandalizm aktıdır. Bu aktı törədərək dövlət bayrağımıza qarşı hörmətsizlik edənlər mütləq cəzalarını alacaqlar. Hadisənin hüquqi araşdırmasına çox ciddi ehtiyac var. Bunun arxasında hansı niyyət və məqsədlərin dayanması təhlil edilməlidir. Bu vəhşiliyi törədən qüvvələr bilməlidirlər ki, belə aktlarla onların Azərbaycana təsir etmək imkanları sıfıra bərabərdir”.

 

Bunu Pravda.az-a açıqlamasında Milli Məclisin deputatı Cavid Osmanov deyib.

 

Deputat vurğulayıb ki, “sapı özümüzdən olan baltalar” hadisənin mahiyyətini gizlətməyə çalışırlar: “Xaricdə oturub anti-Azərbaycan təşkilatların nökərinə çevrilmiş qüvvələr çalışırlar ki, diqqət məsələnin əsas mahiyyətindən yayınsın. Bu, bir daha onu göstərir ki, bu qüvvələr dövlətçiliyimizə qarşı çıxış edən həmin radikal qüvvələrlə eyni siyasətə, məntiqə xidmət edirlər. Əlbəttə ki, belə qüvvələrin cəhdi, niyyəti tamamilə iflasa uğrayacaq. Onlar Azərbaycana qarşı vandalizm aktını törədən qüvvələrlə birgə fəaliyyət göstərdikləri üçün bu hadisəni vandalizm aktı kimi qiymətləndirməkdən çəkinirlər. Buna tamamilə fərqli adlar qoyaraq fərqli istiqamətlərə yönəltməyə çalışırlar.”

 

Deputat bildirib ki, bu gün Azərbaycan dünyanın ən nüfuzlu, ən hörmətli, ən qüdrətli ölkələrindən biridir: “Belə cılız mesajlarla Azərbaycana hər hansı təsir və təzyiq etmək mümkün deyil. Cəmiyyətimiz, xalqımız, eləcə də dünya azərbaycanlıları vandalizm aktlarına qarşı birgə adekvat cavab verməlidir. Görünən odur ki, Azərbaycanın əldə etdiyi böyük sərvətə, həmrəyliyə, eləcə də ölkənin dünyada artan nüfuzuna, hörmətinə və gücünə görə çox ciddi şəkildə narahat olan qüvvələr var. Bu qüvvələrin niyyətləri iflasa uğrayacaq, çünki biz daha güclü, qüdrətli ölkəyik. Xaqımız həmrəyliyini Ali Baş Komandanımız Prezident İlham Əliyevin ətrafında sıx birləşərək nümayiş etdirmiş olur”.

 

Leyla Yusubova

Tarix: 5 Avqust 2022, 15:38   
-->
Xəbər lenti
Çox oxunanlar

Ən son xəbərləri səhifəmizdən də izləyin