BURADA REKLAMINIZ OLA
BİLƏR

BURADA REKLAMINIZ OLA
BİLƏR

Allahşükür Paşazadə qanvermə aksiyasından iştirak edib – 73 yaşlı şəxs qan verə bilərmi?

“Erotrositlərin, qırmızı qan hüceyrələrinin bədəndə müəyyən yaşam dövrü var və onlar daim yenilənir. Bu hüceyrələr hemoqlabini daşıyaraq əsas oksigen daşıyan forma sayılır. Proses insanın hansı yaşda olmasından aslı olmayaraq gedir. Əlbəttə, cavan insanların plazmasında stimulyatorlar və s. olur və onların qanı daha keyfiyyətli hesab olunur. Yaşlı insanların hər hansı xəstəlikləri yoxdursa və sağlamlıqları ilə bağlı heç bir problem yaşamırlarsa, qavermədə rahatlıqla iştirak edə bilərlər”.

 

Bunu Pravda.az-a açıqlamasında tanınmış həkim Adil Qeybulla deyib.

 

A.Qebulla qeyd edib ki, qanvermə prosesində qanın tərkibi, müxtəlif xəstəliklərin olub-olmaması önəm daşıyır: “Hepatit xəstəliyi olanlar, QİÇS daşıyıcıları, malyariya və COVID xəstəliyini keçirmiş şəxslər, eləcə də qanvermə dönəmində soyuqdəyməsi olanlar qan verə bilməzlər. Qan verməzdən əvvəl tütün məhsullarının qəbul edilməsi ən azı iki saat əvvəlcədən dayandırılmalıdır. Müddətin bir sutka olması daha yaxşı olardı. Alkoqolun qəbulu isə 48 saat ərzində olmamalıdır. Bundan əlavə, qanvermə ərəfəsində insanlar aspirin qəbul etməməlidir. Onu da qeyd edək ki, süd verən, eləcə də hamilə qadınların da qan verməsi məsləhət deyil. Sadaladığım əks göstərişlər olmazsa, istənilən şəxslər qan verə bilərlər. Qan verən orqanizm xeyli stimullaşır. Onda yeni hüceyrələr əmələ gəlir, sümük iliyində stimulyasiya gedir. Qanvermə insanları şəkərli diabet, xolesterin artıqlığı, bədəndə antioksidantların toplanması kimi zərərli hadisələrdən xeyli qoruyur. Stimulyasiya sayəsində, yeni forma hüceyrələrinin əmələgəlməsi, hüceyrəarası sahədə mayenin daxil olması, plazmanın tərkibinin yenilənməsi və s. insan üçün əlavə stimuldur”.

 

Qeyd: Qafqaz Müsəlmanları İdarəsinin sədri Allahşükür Paşazadə qanvermə aksiyasından iştirak edib. Şeyxin 73 yaşı var. Həkimlər qanvermə aksiyasında 18-65 yaş arası şəxslərin iştirakını daha məqsədəuyğun hesab edirlər.

 

Leyla Yusubova

Tarix: 8 Avqust 2022, 13:12   
-->
Xəbər lenti
Çox oxunanlar

Ən son xəbərləri səhifəmizdən də izləyin