BURADA REKLAMINIZ OLA
BİLƏR

BURADA REKLAMINIZ OLA
BİLƏR

Çörək və un yenidən bahalaşa bilər – Deputatdan AÇIQLAMA

“Ukrayna taxılının Qara dəniz vasitəsilə dünya bazarına çıxarılması ilə bağlı razılaşmadan sonra birjalarda taxılın qiymətində 3%-ə yaxın azalma qeydə alındı. Sonradan isə yenidən taxılın qiymətində artımlar müşahidə olunub. Bütövlükdə, Rusiya-Ukrayna müharibəsi başladıqdan sonra taxılın qiymətində kəskin artımlar var. Nəzərə alsaq ki, müharibə səbəbindən Ukrayna praktik olaraq bu il ilkin şumlama işlərini tam həcmdə apara bilmədi, eyni zamanda məhsul biçimində də problemlər müşahidə olundu. Bu baxımdan, mövcud ixrac ehtiyatlarının dünya bazarına çıxarılması bütövlükdə qlobal bazarda qiymətlərə müəyyən qədər təsir göstərə bilər. Uzunmüddətli dövr üçün taxılın qiymətində artımların davam edəcəyi gözləniləndir”.

 

Bu sözləri Pravda.az-a Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov un və çörəyin yenidən bahalaşacağı barədə səsləndirilən fikirlərə münasibət bildirərkən deyib.

Deputat bildirib ki, Azərbaycan taxıla olan tələbin, təxminən, 40%-ni idxal hesabına ödəyir: “Digər 60%-i yerli istehsal hesabına ödənilir. 40% idxal olunan taxılın 95%-indən çoxu Rusiyadan idxal olunur. Ona görə də dünya bazarında taxılın qiymətinin artması Azərbaycan üçün idxal infilyasiyası yaradır. Xüsusən, Rusiyanın taxıl ixracatının tənzimlənməsi ilə bağlı qərarı da Azərbaycana daxil olan taxılın həcminə birbaşa təsir göstərir”.

 

V.Bayramovun sözlərinə görə, payızda taxılın və unun qiymətinin necə dəyişməsi dünya bazarındakı qiymətdən asılı olacaq: “Təbii ki, Nazirlər Kabineti çalışır anti-infilyasiya tədbirləri çərçivəsində dünya bazarındakı qiymət artımlarının Azərbaycan istehlak bazarına təsirlərini minimumlaşdırsın. Dünya bazarında müşahidə edilən kəskin qiymət artımı Azərbaycan istehlak bazarına da təsir edir. Artıq Azərbaycanın istehlak bazarında rəsmi  infilyasiyada xüsusən ərzaq məhsullarının qiymətlərinin artmasını müşahidə edirik. Bütövlükdə un məhsullarının qiymətinin artması dünya bazarındakı qiymətdən, eyni zamanda idxal etdiyimiz məhsulların qiymətdindən asılı olacaq. Bütün hallarda idxal infilyasiyası qaçılmazdır. Növbəti dövrlərdə də Azərbaycan istehlak bazarına idxal infilyasiyasının təsirləri müşahidə olunacaq”.

 

Aytəkin Qardaşova

Tarix: 8 Avqust 2022, 13:38   
-->
Xəbər lenti
Çox oxunanlar

Ən son xəbərləri səhifəmizdən də izləyin