BURADA REKLAMINIZ OLA
BİLƏR

BURADA REKLAMINIZ OLA
BİLƏR

Tural Abbaslı: “Azərbaycan vətəndaşı dövlət dilində danışığı, yazmağı və oxumağı bacarmırsa, bu ölkədə yaşamağı çətinləşməlidir”

“Azərbaycan xalqı humanist və tolerant xalqdır. Bu günə qədər ölkədə milli, dini və cinsi səbəblərdən dolayı heç bir qarşıdurma, konflikt olmayıb. Biz o qədər tolerant xalqıq ki, hətta Ermənistan müdafiə nazirinin bacısı illərdir Kürdəmirdə çox rahat şəkildə yaşayıb və yaşayır. Hər azərbaycanlının Azərbaycanda tanıdığı ən azı bir erməni var. Onlar Bakıda, eləcə də digər rayonlarda yaşayırlar və heç kim onlara “güldən ağır söz demir””.

 

Bunu Pravda.az-a açıqlamasında Ağ Partiyanın sədri Tural Abbaslı deyib.

 

Partiya sədri bildirib ki, Azərbaycanda doğulan, burada yaşayan, işləyən, təhsil alan, amma hələ də Azərbaycan dilində danışa bilməyən vətəndaşlar var: “Bu o deməkdir ki, həmin insanlar həyatlarını rus dilində rahat yola veriblər. Bu günə qədər də rus dilində danışdıqlarına görə də heç bir təzyiqə və ya ayrı-seçkiliyə məruz qalmayıblar. Bu gün də guya kimlərinsə rus dilində danışdıqlarına görə təzyiqə məruz qalması inandırıcı deyil. Təbii ki, rus dilinin bu qədər inkişaf etməsinin, Azərbaycanda 300-dən artıq məktəbin rus dilində olmasının da tərəfdarı deyiləm. Azərbaycanın dövlət dili var. Hər bir vətəndaş xarici dillə yanaşı, öz dilini də yaxşı bilməlidir. O, öz dilində danışa, yaza, oxuya bilməlidir. Bu, istənilən dövlətin tələbidir. Hətta Avropada mühacirlərdən tələb edilən şərtlərdən biri onların mühacirət etdiyi ölkənin dilini bilməsidir. Onlar bununla bağlı imtahan da verirlər. Necə ola bilər ki, 60-70 il Azərbaycanda yaşamış şəxs Azərbaycan dilində danışa bilməsin, amma dövlət müəssisələrində və ya özəl şirkətlərdə işə qəbul zamanı rus dili tələbi qoyulsun? Buranın adı Azərbaycandır və dili də Azərbaycan türkcəsidir. Buna görə də hər kəs Azərbaycan dilini öyrənsə, daha yaxşıdır. Öyrənmək istəmirsə, Azərbaycan dilinə hörmət etmirsə, hansı dildə danışırsa və hansı dili sevirsə, getsin o dilin danışıldığı ölkədə yaşasın. Bu gün rus dilinə və digər dillərə olan münasibət, həm də o dilləri təmsil edən ölkələrə olan münasibətdir. Hazırda Rusiya dünyada işğalçı, terrorçu ölkə kimi tanınır. Buna görə də insanların ruslara qarşı olan aqressiyası, Qarabağda ruslar tərəfindən törədilən özbaşınalıqlar o dildə danışan insanlara da hansısa formada təsirini göstərəcək. Hər bir Azərbaycan vətəndaşı dövlət dilində danışmalı, yazmalı və oxumalıdır. Bunu bacarmalıdır. Bunu bacarmırsa, onun bu dövlətdə yaşaması çətinləşməlidir”.

 

Leyla Yusubova

Tarix: 12 Avqust 2022, 19:16   
-->
Xəbər lenti
Çox oxunanlar

Ən son xəbərləri səhifəmizdən də izləyin