BURADA REKLAMINIZ OLA
BİLƏR

BURADA REKLAMINIZ OLA
BİLƏR

Dənizə çimməyə getməyin - ÇAĞIRIŞ

“Xəzər dənizi dünən, yaxud da bu gün belə vəziyyətə düşməyib. Bu proses illərdir ki, baş verir. Sadəcə, Xəzərin ekoloji vəziyyəti son 10 ildə daha ağır vəziyyətə düşüb. Buna səbəb isə məişət tullantılarının artması, sahiboyu turizm, eləcə də təsərrüfat obyektlərinin tikilməsidir. Bunların fonunda isə təmizləyici qurğular lazımi səviyyədə deyil. Son beş ildə Abşeron çimərliklərində məişət tullantılarından əmələ gələn mədə və bağırsaq çöplərinin sayı da çoxalıb. Bu da insan orqanizmi üçün təhlükədirlər”.

 

Bunu Pravda.az-a açıqlamasında Xəzər Araşdırmaları Mərkəzinin rəhbəri, professor Çingiz İsmayılov deyib.

Oxu.az - Daş kömür tüstüsündə bəşəriyyətin “xilası”: “Məsələni faciəyə  çevirmək lazım deyil” - FOTO

Ç.İsmayılov bildirib ki, Xəzər dənizinin ekoloji vəziyyəti ildən-ilə ağırlaşır: “Bakının Cənub hissəsindən, yəni Şıxovdan Lökbatan qədər çirkablıq 1000 dəfə artırsa, Bilgəhdə bu 100 dəfə artır. Yəni Xəzərin hər yerində çirklənmə baş verir. Xəzər qapalı su hövzəsi olduğu üçün bir yerin çirkli, digər yerin isə təmiz olması mümkün deyil. Sadəcə, dəniz cərəyanlarının, su axınlarının güclü olduqları yerdə çirkab tez yuyulur, zəif olduqları yerdə isə suda durğunluq olur. Buna görə də bəzi yerlərdə çirkablığın səviyyəsi yüksək, bəzilərində isə azdır. Yəni Xəzərdə tam təmiz hissə yoxdur. Hazırda Xəzərin vəziyyəti çox acınacaqlıdır. Müvafiq yerli idarəetmə orqanları olan bələdiyyələr, icra hakimiyyətləri, bundan başqa Ekologiya və Təbii Sərvətlər Nazirliyi buna nəzarəti həyata keçirməlidirlər. Şəxsən mən son 5 ildə Xəzər dənizində çimmirəm. Heç kimə də məsləhət görmürəm. Deyə bilərlər ki, yüzlərlə insan çimir, ancaq onlara heç nə olmur. Bunu bilmək olmaz... Kiməsə olur, kiməsə olmur, kimdəsə mədə-bağırsaq ağrıları başlayır. Məişət tullantıları canlı orqanizmlərin, biokütlənin müxtəlifliyini də pozur və orada yosunlar əmələ gəlir. Balıqlar üçün qida mənbəyi olan planktonların bir hissəsi məhv olur. Bu da bioloji zənciri pozaraq ekoloji vəziyyətin gərginləşməsinə gətirib çıxarır”.

 

Leyla Yusubova

Tarix: 16 Avqust 2022, 18:14   
-->
Xəbər lenti
Çox oxunanlar

Ən son xəbərləri səhifəmizdən də izləyin