BURADA REKLAMINIZ OLA
BİLƏR

BURADA REKLAMINIZ OLA
BİLƏR

Qadınlar arasında dava düşdü, əmisini öldürdü - QƏRAR

Bakı Ağır Cinayətlər Məhkəməsində əmisini dırmıqla öldürməkdə təqsirləndirilən Bahadur İsmayılovun cinayət işi üzrə məhkəmə iclası başlayıb.

 

Pravda.az-ın əldə etdiyi məlumata görə, hakim Azad Məcidovun sədrliyi ilə keçirilən prosesdə anket məlumatları dəqiqləşdirilib.

 

Müəyyən edilib ki, cinayət işi üzrə məhkəmə aidiyyəti üzrə Lənkəran Ağır Cinayətlər Məhkəməsinə aiddir.

 

Belə ki, Məhkəmə-Hüquq Şurası 14 noyabr 2019-cu il tarixli “Azərbaycan Respublikası apelyasiya, ağır cinayətlər, hərbi, inzibati və kommersiya məhkəmələrinin ərazi yurisdiksiyası”nın təsdiq edilməsi barədə qərarına əsasən, Ağcabədi rayonu Lənkəran Ağır Cinayətlər Məhkəməsinin yurisdiksiyasına aid edilib.

 

Məhkəmənin əqrarı ilə cinayət işi məhkəmə aidiyyəti üzrə Lənkəran Ağır Cinayətlər Məhkəməsinə göndərilib.

 

İttihama görə, hadisə bu il aprelin 20-də Ağcabədi rayonunun Taxta Körpü qəsəbəsində qeydə alınıb.

 

Cinayət materiallarında göstərilib ki, qəsəbənin Laçın obaları yaşayış massivi, Fingə obasında yerləşən fermasının həyətyanı sahəsində dırmıq aləti ilə iş görən zaman anası ilə qonşuluqda yaşayan qohumları arasında şəxsi münasibətlər zəminində mübahisə yaranıb. Daha sonra təqsirləndirilən şəxsin əmisi Əşrəf İsmayılov həyat yoldaşı Samirə İsmayılovaya qoşularaq anasını təhqir edib. Bu zaman qohumlar arasında dava düşüb. Bahadur İsmayılov anasını müdafiə etmək məqsədi ilə həmin münaqişəyə qoşulub əmisi ilə dalaşıb. O, orada Samirə İsmayılovanın gözü qarşısında Əşrəf İsmayılova əlindəki dırmıqla onun baş nahiyəsinə qəsdən bir zərbə vurub. Yaralı xəstəxanaya aparılıb. Saat 16 radələrində zərərçəkmiş şəxs müalicə aldığı yerdə, yəni Ağcabədi Rayon Mərkəzi Xəstəxanasında ölüb.

 

Laçın Rayon Polis Şöbəsi əməkdaşlarının keçirdikləri əməliyyat tədbiri nəticəsində ölümlə nəticələnən qəsdən sağlamlığa ağır zərər vurmada şübhəli bilinən B.İsmayılov tutularaq istintaqa təhvil verilib.

 

Faktla əlaqədar Cinayət Məcəlləsinin 126.3-cü (Qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.

 

Kamal Məmmədov

Tarix: 18 Avqust 2022, 16:58   
-->
Xəbər lenti
Çox oxunanlar

Ən son xəbərləri səhifəmizdən də izləyin