BURADA REKLAMINIZ OLA
BİLƏR

BURADA REKLAMINIZ OLA
BİLƏR

Novella Cəfəroğlu: "Heç kəsin ixtiyarı yoxdur ki, Azərbaycan qadınına söz desin"

“Niyə bu günlər qınağa yalnız qadınlar gəlir? Niyə həmin o əclafın, o vəhşinin - ona kişi deyə bilmərəm - adını niyə çəkmirlər? Niyə o vəhşiyə söz deyilmir? O vəhşi qadınları şantaj etmək üçün özü o telefonu orada quraşdırıb. Oradakı qadınlar yəqin elə vəzifədə, elə yerdə işləyiblər ki, onların bu kişidən asılılıqlar olub. Mən bu məsələdə heç də o qadınların tərəfində deyiləm. Cəmiyyətdə belə şeylər olur. Bir bizim cəmiyyətdədir ki? Amerikada, hər yerdə belə şeylər olur. Elə Klintonun məsələsi bütün dünyanı "gəzdi". Bütün dünyada bu var. Amma buna görə bütün qadınları qınağa gətirmək olmaz. Biz müsəlman ölkəsiyik. İlk olaraq bunu “facebook”da yaymaq olmazdı. Oradan uşaqlar da istifadə edir və bunu belə açıqcasına göstərmək düzgün deyildi. Klintonun məsələsi televizorda göstərildikdən sonra nə qədər faciələr oldu. İndi isə “facebook”a uşaq da, qadın da, kişi də baxır. Bizim minlərlə təmiz, ağıllı qadınlarımız, universitetlərdə, ümumiyyətlə hər yerdə işləyirlər. Əxlaqsız qadınlar da hər yerdə var. Bu yalnız Azərbaycanda belə deyil. İndi bütün qadınları onlara oxşadırlar? Belə bir şey deyən varsa, qələt edirlər!”

 

Bunu Pravda.az-a açıqlamasında hüquq müdafiəçisi Novella Cəfəroğlu deyib.

 

“Azərbaycanda qadınlar kişi qeyrətindən daha çox qeyrətlidirlər. Bu müharibə zamanı da göründü. Analar, arvadlar kişilərinin, oğullarının tabutunun altına girdilər. Onlar öz oğlanlarını, ərlərini basdırdılar. Azərbaycan qadınları belə qadınlardır. Ölkədə yüzlərlə, minlərlə qız, qadın müxtəlif yerlərdə çalışır. Bu görüntüləri çəkəni və “facebook”da yayanı cəzalandırmaq lazımdır. Oradakı qadınlar həmin polkovnikin əlinin altında işləyən xanımlar idi. Yəqin ki, onları qorxudub, nəsə deyib, bəlkə də işdən çıxarmaqla hədələyib. Hər qadın da güclü deyil ki! Onlar da 3-5 manatı itirməsinlər deyə onunla əlaqəyə gediblər. Belə hadisələr heç bir müəssisədə olmamalıdır! Bəlkə də bu belə işlə məşğul olan kişilərə dərs olar. Onlar bundan dərs çıxarmalıdırlar ki, bunun sonu həbslə nəticələnə bilər. Bu şəxs bu hərəkəti bir qadına qarşı etməyib ki, 13 qadına qarşı edib. Ola bilməz ki, bu 13 qadının içərisində kimsə sözünü deməsin, deməli, onları qorxudub. Bunu araşdırmaq lazımdır. Heç kəsin ixtiyarı yoxdur ki, Azərbaycan qadınına söz desin. Bu gün cəmiyyətdə mövcud olan əxlaq, ailə məsələləri itib. Bunlar haqqında fikirləşmək lazımdır. Görün barlarda bizim qızlarımız ərəblərlə nə oyunlardan çıxırlar. Bunun dərdini çəkmək, buna fikir vermək lazımdır. İnstitutlarımız, müəssisələrimiz işləyən, bir parça çörəyini qazanan qadınlarımızla doludur. Onların dərdini çəkmək lazım deyil. Onlar işləyib öz pullarını qazanırlar. Barlarda, küçələrdə yüz oyundan çıxanlar o polkovniklərin, məmurların qızlarıdır. Onların hamısı puldan harınlayıb. Hamısı harınlamış pullarla bu işlə məşğul olublar. Demirəm ki, hamısı elədir, onların içərisində təmizləri də var. Yenə də deyirəm ki, cəmiyyətimizdə ailə dəyərləri, ailədə olan münasibətlərin hamısı itib”, deyə N.Cəfəroğlu vurğulayıb.

 

Leyla Yusubova

Tarix: 18 Avqust 2022, 17:27   
-->
Xəbər lenti
Çox oxunanlar

Ən son xəbərləri səhifəmizdən də izləyin