Prezident İlham Əliyevin Ərəb Dövlətləri Liqasının 31-ci Zirvə toplantısında iştirakı ölkəmizin növbəti diplomatik uğurudur

Prezident İlham Əliyevin noyabrın 1-də Əlcəzairə səfəri və burada Ərəb Dövlətləri Liqasının 31-ci Zirvə toplantısında fəxri qonaq qismində iştirakı və çıxışı ölkəmizin beynalxalq münasibətlər sistemində olan nüfüzu və növbəti diplomatik uğurunun göstəricisidir.

Bunu Pravda.az-a açıqlamasında Milli Məclisin deputatı, Yeni Azərbaycan Partiyasının Təftiş Komissiyasının sədri Sevinc Hüseynova deyib.

O vurgulayıb ki, ölkə Prezientinin çıxışı zamanı bir çox mühüm məsələlərə münasibət bildirmişdir:

“Eyni zamanda işgalçı Ermənistanı dəstəkləyən Fransanı və son illər ərəb ölkələrində mövqelərinin möhkəmləndirməyə səy göstərən Ermənistanı növbəti dəfə belə bir möhtəbər tədbirdə ifşa etməsi xüsusi önəm daşıyır.

Məlumdur ki, uzun illər Fransanın müstəmləkəsində olan əlcazairlər mustəqillik ugrunda apardıqları mubarizədə milyonlarla şəhid verib. Fransa 1958-1962-ci illərdə 1,5 milyon əlcəzairlini vəhşicəsinə qətlə yetirmişdı, kütləvi qəddarlıq və zorakılıq törətmışdı. Çox təəsüf ki, Fransa bu qanlı əməllərinə görə, beynəlxalq hüquq qarşısında cavab verməyib”.

S.Hüseynova xatırladıb ki, səfər zamanı Prezident İlham Əliyev Əlcazairdə “Şəhidlər abidəsi”-ni, “Milli Mücahid Muzeyi”ni ziyarət edərək Əlcazair xalqının Fransa müstəmləkəsinə qarşı apardığı mübarizə tarixinə aid eksponatlarla tanış oldu və qətlə yetirilmiş yerli sakinlərin xatirəsini yad edərək Xatirə kitabına ürək sözlərini qeyd etdi:

“Ölkə Prezidenti cıxışında Fransanın bu cinayətlərini, əlcazair xalqına qarşı törətdiyi zorakılıgı və qəddarlıgı, qeyri-insanı rəftarı xatırlayarkən bildirmişdir ki, dunya heç zaman bu hadisələri unutmamalıdır. “Gələcəkdə belə faciələrin qarşısının alınması üçün əlimizdən gələni etməliyik” .

Zirvə toplantısının tribunası vasitəsilə bunun beynəlxalq ictimayyətin nəzərinə çatdırılması Fransanın ölkəmizə qarşı apardığı riyakar siyasətinə çox tutarlı cavab oldu.

Dövlət başcısı Ermənistanı ifşa edərkən ermənilərin işgal müddətində törətdiyi vəhşilikdən, o cümlədən torpaqlarımızda islam dininə aid 67 məbədin 65-nin Ermənistan tərəfindən barbarcasına dagıdıldıgını bildirdi və bunu terrorçu dövlətin “islamofob mahiyyətinin təzahürü” adlandırdı”.

Deputatın sözlərinə görə, ölkə Prezidenti tərəfindən həm də beynalxalq forumlarda olkəmizə müsəlman qardaşlarımızın göstərdiyi dəstək və Azərbaycanın İslam həmrəyliyinə verdiyi töhfələr xüsusi qeyd edildi.

O əlavə edib ki, səfər Azərbaycanın 2016-cı ildən müşahidəçi qismində təmsil olunduğu Ərəb Dövlətləri Liqası ilə münasibətlərinin, həmçinin İslam dünyasına daxil olan ölkələrlə olan münasibətlərin və əlaqələrin daha da güclənməsinə töhvə verəcək.

Tarix: 7 Noyabr 2022, 11:15

Xəbər lenti