Ali Baş Komandan İlham Əliyevin rəhbərliyi ilə qazanılan zəfər cənublu, şimallı bütöv Azərbaycan xalqının qələbəsidir - RƏY

Zəfər “zəfər mənimdir!” deyə bilənindir!

8 Noyabr 30 illik həsrətin bitdiyi, haqqın, ədalətin zəfər çaldığı, narahat ruhların rahatlıq tapdığı, göz yaşlarının sevincdən axdığı gündür. 8 Noyabr tabutuna sığmayan, doğum günündə şəhadətə qovuşan Xəyyamların günüdür. 8 Noyabr Xarıbülbülün azadlıq rəmzinə çevrildiyi, Şuşanın dağlarından dumanının çəkildiyi gündür. Bu gün “Şuşasız Qarabağ, Qarabağsız Azərbaycan yoxdur” deyən ata vəsiyyətinin reallaşdığı gündür. Bu gün hər kəs Qarabağdır.

İlham Əliyev: Vətən Müharibəsində Azərbaycan Xüsusi Təyinatlıları düşmənə sarsıdıcı zərbə vurdu - Alp.Az

Bu qələbə böyük zəhmətin və fədakarlığın məhsuludur. Şəhidi, qazisi, yaşlısı, gənci, qadını, uşağı ilə milliyyətindən asılı olmayaraq bu Vətənin aşını yeyib, suyunu içənlərin, Cənublu, Şimallı bütöv Azərbaycan xalqının qələbəsidir. Bu gün igidlərimizin düşmənin əsrlərlə davam edən tamaşasının son pərdəsini Şuşa səhnəsində dişi, dırnağı ilə endirdiyi gündür. Yaşadığı torpağı müqəddəs sayan hər bir vətəndaşımız müqəddəs Zəfərə gedən 44 gündə canı, malı, övladı bahasına böyük mübarizələr göstərdi. Nəhayət, Azərbaycan bu mübarizənin bəhrəsini şanlı qələbə ilə daddı. Azadlığını, torpağını, namusunu canından, malından, qanından üstün görən xalqımız haqq savaşında üzərinə düşən məsuliyyətdən qaçmadı, kimisi canını, kimisi malını fəda etdi, əlini daşın altına qoydu. Atatürkün də dediyi kimi, zəfər “zəfər mənimdir!” deyə bilənindir. Bu məmləkət tarixən də türkdür, indi və əbədiyyən də. Necə deyərlər, türk olmaq çətindir, çünki dünya ilə savaşırsan. Türk olmamaq daha çətindir, çünki türklərə qarşı savaşırsan. Və Azərbaycan bütün dünyaya türkün gücünü, birliyini cəmi 44 gündə sübut etdi.

Qalib Lider, Müzəffər Ali Baş Komandan İlham Əliyev qətiyyətinin zirvəsi – Qarabağ Azərbaycandır! -

Azərbaycan Prezident, Ali Baş Komandan İlham Əliyevin rəhbərliyi ilə yalnız hərb meydanında deyil, diplomatik müstəvidə də böyük strateq nümunəsi ortaya qoydu, informasiya müharibəsində haqq səsini ucaltdı, cəsarətlə bütün təzyiqlərə sinə gərdi. Bu tarixi Zəfər 30 il gözü yolda qalan Qarabağı öz Vətəninə qovuşdurdu. Azərbaycanın torpaqlarını işğaldan azad etməsi əsla mübarizəsinin bitdiyi demək deyil. Əksinə, siyasi və hərbi meydanda aparılan mübarizə bundan sonra da fərqli cəbhələrdə davam edəcək. 30 il işğal dönəmində ermənilərin Qarabağda daş üstündə daş qoymadıqlarını bütün dünya gördü. Cənab Prezident İlham Əliyevin də dediyi kimi, Füzulidə bayraq asmağa bina belə tapılmamışdı. Bütün ərazilər yerlə-yeksan edilib, məzarlıqlar belə yağmalanıb, məscidlərimiz təhqir olunub. Bu azmış kimi, ermənilər zəngin mirasımız olan tarixi, mədəni abidələrimizi də yağmalayıblar. Bütün bunları görməzdən gələnlərin gözləri kimi vicdanları da kordur. Ermənistan bütün törətdiyi təxribatların, 44 günlük müharibə zamanı Gəncə, Bərdə, Tərtər, Ağcəbədi kimi döyüş zonasına aid olmayan ərazilərimizdə şəhid etdikləri məsum sivillərimizin, körpələrimizin hesabatını, əlbəttə, bir gün nə yolla olursa-olsun, istər qorxaq kimi kameralardan uzaqda, istər ekran qarşısında, istərsə də “dəmir yumruq”un gücü ilə bütün dünyanın gözü önündə verəcək. Ümid edirik, erməni xalqı da Qarabağda yaşananlardan dərs çıxaracaq və bununla bölgədə yeni dönəmin başlanğıcı qoyulacaq.

Zəfərdən - zəfərə atılan, sülhün bir addımlığında Azərbaycan boyda Qələbəmiz mübarək!

Aytəkin Qardaşova

Tarix: 8 Noyabr 2022, 11:21

Xəbər lenti