Deputat: “Paşinyanın “soyqırımı” ilə bağlı çıxışını ciddiyə almaq lazım deyil”

“Ermənistanın Baş naziri Nikol Paşinyan möhtərəm Prezidentimiz İlham Əliyevin Şuşada 8 Noyabr – Zəfər Günü ilə bağlı çıxışından sonra cəfəng fikirlər səsləndirib. Paşinyanın “soyqırımı” ilə bağlı çıxışını ciddiyə almaq lazım deyil. Bu, erməni hay-şüvənliyidir, erməni variantı, erməni xəstəliyi, metdodudur. O, bilir ki, cənab İlham Əliyev dediyi sözdən bu günə kimi bir addım da geri çəkilməyib. Sözü imzası qədər yetərlidir. Möhtərəm Prezidentimizin irəli sürdüyü 5 təklif bütün bölgənin xeyrinədir. Nə qədər gec deyil, Paşinyan razılaşmalıdır”.

Bu sözləri Pravda.az-a açıqlamasında Milli Məclisin deputatı Məlahət İbrahimqızı deyib.

Deputat bildirib ki, 30 il torpağımızı işğalda saxlayan bir xalqın mənsubları “uzun zaman əzab çəkən erməni xalqı” imicini formalaşdırmışdılar: “300 illik tarixdə guya türklərinin ermənilərə qarşı hər zaman zorakılıq, ayrıseçkilik, soyqırımı, cinayət törətdiklərini iddia ediblər. Bütün dünya artıq bunu bilir. Biz də bilirik ki, dünyada bir xristian həmrəyliyi, bir də ikili standartlar var. Super güclər erməni xalqından tarix boyu bu günə qədər öz maraqları üçün müvəqqəti istifadə edib, sonda qabaqlarına çör-çöp, sür-sümük tullayıblar ki, bu da sizin xidmət haqqınız. Bir əsrdə Qarabağda, deportasiya zamanı Qərbi Azərbaycanda yaşayan azərbaycanlılara qarşı ən ağır işgəncələr vermiş, Xocalı soyqırımını törətmiş bir xalqın danışmağa haqqı yoxdur. 1918-ci ildə Azərbaycanda törətdikləri cinayətlərin də cavabı mütləq verilməlidir. Qisas qiyamətə qalmaz! Azərbaycana, türk xalqlarına qarşı törətdikləri cinayətləri Allah yerdə qoymaz. Bu qədər cinayət törətmiş dövlət rəhbərinin belə söz deməsinin özü cinayətdir. Özbəkistanda Fərqanə vadisində axısqa türkləri arasında milli çaxnaşma yaradan da məhz ermənilər idi. Bunu hamı bilir. Ermənilərdə belə bir xüsusiyyət var – cinayəti özləri törədirlər, amma başqalarına şər atırlar. Bu millətin xisləti şər-böhtandır. Əminəm ki, bu yanaşmanı ABŞ-da, Rusiyada da gec-tez sərgiləyəcəklər. Çünki onların genetik xəstəliyi – erməni xəstəliyidir. Möhtərəm Prezidentimiz çox gözəl ad qoyub – dünya ermənililiyi. Bu, xəstəlikdir”.

M.İbrahimqızı deyib ki, ermənilər yaşadıqları ölkənin daimi sakinlərinə arxadan zərbə vurmaq üçün zəif yer, məqam axtarırlar: “Bu gün də Paşinyanın yersiz bağırmağı, erməni xəstəliyindən doğan sindiromla cənab Prezidentin çıxışına münasibət bildirməsi onu bir daha günahkar vəziyyətinə salır. Paşinyan çox söz deyir. O, iki il bundan əvvəl Cıdır düzündə çirkli, murdar ayaqları ilə Azərbaycan “Yallı”sını oynayırdı, arvadı iki il bundan əvvəl Xankəndinə quldur, terrorçu erməni qadınlarını yığıb, guya Azərbaycan qadınlarına mesaj göndərirdi, Şuşada parlament binası tikir, Şuşanı heç vaxt görməyəcəyimizi bəyan edirdilər. Bəs nə oldu? Möhtərəm Prezidentimizin bu barədə gözəl ifadəsi var, elə indi yerinə düşür – “Nə oldu, Paşinyan?” Sadəcə, Paşinyan hədsiz dərəcədə cənab Prezidentin Şuşadakı çıxışından qorxur. Ona görə də yenə sərsəm-sərsəm danışmağa başlayıb. Paşinyan bundan da bərk bağırsa, çox adamlara müraciət etsə, yenə də xeyri yoxdur. Allahın izni ilə, Zəngəzur dəhlizi açılmalıdır. Azərbaycan ərazisindən quldur erməni hərbi birləşmələri çıxmalı, Ermənistan sülh sazişinə imza atmalıdır. Paşinyan anlamalıdır ki, hər keçən gün, saniyə onun ziyanına işləyir. Aydındır ki, Ermənistan kimə arxalanır. Bunu cənab Prezidentimiz də çıxışında çox gözəl ifadə etdi. Həmin qüvvələr də Azərbaycanın gücünü çox gözəl bilirlər”.

Aytəkin Qardaşova

Tarix: 11 Noyabr 2022, 16:32

Xəbər lenti