BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Kontakt home”la bağlı çağırış: Ehtiyatlı olun

“Kontakt home” şirkətini heç vaxt belə təsəvvür etməzdim. Şirkətin telefonları zəngə cavab vermir, əməkdaşları müştəriləri aldadır, xidmətin keyfiyyəti monitorinq edilmir, heç bir daxili nəzarət yoxdur və s. Belə ki, səhhətində böyük problemi olan xəstə bir xanım “Kontakt home”dan soyuducu alıb. Soyuducunun ödənişini nağd şəkildə 8 gün bundan əvvəl etməsinə baxmayaraq hələ də malını ala bilmir. “Kontakt home”un əməkdaşları gah 2 günə, gah 4 günə, gah da 6 günə soyuducunun müştəriyə çatdırılacağını bildirirlər. Amma üstündən 8 gün keçməsinə baxmayaraq soyuducu müştəriyə təhvil verilməyib. Dünən, yəni noyabrın 27-də şirkətin xanım operatorlarından biri deyir ki, “mal yoldadır, gətirirlər”. “Kontakt home”un Azadlıq metrostansiyasının yanındakı filialın mağazasından həmin xanımın yaşadığı ünvana qədər cəmi 1 km. məsafədir. Dünən “yolda olan” “Kontakt home”un əməkdaşları 1 km. məsafəni hələ də gəlib çıxa bilməyiblər. Bu halın özü “Kontakt home”un mallarının keyfiyyəti haqda da şübhələr yaradır. Belə təsəvvür və şübhələr yaranır ki, həmin soyuducudan “Kontakt home”un mağazasında yoxdur, şirkət topdansatış yerlərini gəzərək həmin markadan olan soyuducunu axtarır. Özündə olsaydı gətirib quraşdırardı”.

 

Pravda.az-ın xəbərinə görə, bunu tanınmış QHT nümayəndəsi Fərasət Qurbanov bildirib.

Fərasət Qurbanov SƏLİS-in e-məsləhət xidməti ilə bağlı CANLI YAYIMDA

F.Qurbanov qeyd edib ki, avtomatlaşdırılmış telefonlarla da şirkətlə əlaqə saxlamaq çox çətindir, e-mailllərə və mesajlara cavab verilmir: “Dünən birtəhər telefonlara düşə bildik. Şirkətin Emin adlı bir operatoruna həmin xanım dərdini danışıb irad bildirəndə “gəlin sabah pulunuzu geri alın” cavabını aldı. Xəstə qadına qarşı olunan bu qədər haqsızlığa, məsiliyyətsizliyə və zülmə biganə qala bilmədim. Belə rəftar və xidmət “Kontakt home” rəhbərliyinin dəstxətti olmasını düşünmürəm. Yəqin ki, rəhbərlik əməkdaşlarını cəzalandıracaq və bu barədə müştəriyə bildirəcək. Əks halda bu yanaşma bütövlükdə “Kontakt home”un bərbad və keyfiyətsiz ximəti və mahiyyətini ifadə edəcək. Bu haqda sizləri məlumatlandırmaqla, gələcəkdə “Kontakt home”dan mal alarkən ehtiyatlı olmağınızı bildirmək istədim. Öz növbəmdə isə yalnız bunu deyə bhilərəm: “Sadəcə, ayıb olsun!””

 

Kənan

Tarix: 28 Noyabr 2022, 11:35   
-->
Xəbər lenti
Çox oxunanlar

Ən son xəbərləri səhifəmizdən də izləyin