BURADA REKLAMINIZ OLA
BİLƏR

BURADA REKLAMINIZ OLA
BİLƏR

UNESCO-da Azərbaycanın “Pəhləvanlıq, ənənəvi zorxana oyunları və idman növləri” nominasiyasına baxılacaq

Mərakeş Krallığının Rabat şəhərində UNESCO-nun Qeyri-maddi mədəni irsin qorunması üzrə Hökumətlərarası Komitəsinin 17-ci sessiyası öz işinə başlayıb.

 

Bu barədə Azərbaycanın UNESCO-dakı Daimi Nümayəndəliyindən məlumat verilib.

 

Bildirilib ki, sessiyada Azərbaycan UNESCO yanında Daimi Nümayəndəlik, Mədəniyyət Nazirliyi, UNESCO yanında Azərbaycan Respublikası Milli Komissiyası və Mərakeş Krallığındakı səfirlik tərəfindən təmsil olunur.

 

Sessiya zamanı Komitə tərəfindən Bəşəriyyətin Qeyri-maddi mədəni irsin Reprezentativ siyahısına daxil edilməsi məqsədilə Azərbaycanın irəli sürdüyü 1 milli nominasiya “Pəhləvanlıq, ənənəvi zorxana oyunları və idman növləri” və 3 çoxmillətli nominasiyalar “Baramaçılıq, ipəkçilik və toxuculuq üçün ənənəvi ipək istehsalı” (Azərbaycan, Əfqanıstan, İran, Tacikistan, Türkiyə, Türkmənistan və Özbəkistan), “Molla Nəsrəddin lətifələrinin şifahi ənənəsi” (Azərbaycan, Qazaxıstan, Qırğızıstan, Tacikistan, Türkiyə, Türkmənistan və Özbəkistan) və “Çay mədəniyyəti: kimliyin, qonaqpərvərliyin və sosial əlaqələrin rəmzi” (Azərbaycan və Türkiyə) nəzərdən keçiriləcək.

 

Bununla yanaşı, 17-ci sessiya zamanı 2003-cü il Konvensiyası üzrə Azərbaycanın milli dövri hesabatı və UNESCO-nun Təcili Qorunmaya Ehtiyacı olan Qeyri-maddi mədəni irs siyahısına daxil edilmiş “Çovqan, Qarabağın ənənəvi atüstü oyunu” elementi üzrə milli hesabat nəzərdən keçiriləcək.

Tarix: 28 Noyabr 2022, 14:25   
-->
Xəbər lenti
Çox oxunanlar

Ən son xəbərləri səhifəmizdən də izləyin