BURADA REKLAMINIZ OLA
BİLƏR

BURADA REKLAMINIZ OLA
BİLƏR

Osman Kazımov: “Heydər Əliyevi təbrik etdiyimə görə düşüncələrimə qılınc çəkdilər”

“Heydər Əliyevi ailə qurması münasibəti ilə təbrik etdim. Təmsil olundugum Müsavat Partiyasının da apardığı mübarizə yolu budur: Saf, ədalətli, şəffaf, hər cür nifrətdən kənar bir yol. Rüşvətsiz cəmiyyət, əxlaqlı mübarizə yolu. İndikindən fərqli olan azad firavan  bir dövlət quraq. İndiki kimi bədbin , üzündən gülüşü itmiş insanlar olmasın. Məmurlar oğru olmasın. Şəhid adı çəkiləndə ayaq üstə duraq. Düşüncələrim, arzularım xoş da qarşılandı. Düşüncələrimə qılınc da çəkdilər. Az qala xəyanətkar adlandırılacaq qədər fikirlər səsləndirildi, şantaja qədər yuvarlananlar oldu”.

 

Pravda.az-ın xəbərinə görə, bunu Müsavat Partiyasının başqan müavini Osman Kazımov bildirib.

 

“Nədən əzizlərim, söyüşə, əxlaqsız davranışa yox dediyim üçünmü? Nəyi satdım, nəyə xəyanət etdim? Mənim fiikirlərimdən, düşüncələrimdən istifadə edərək təmsil olunduğum Müsavat Partiyasına qarşı bir şantaj kompaniyasına, qarayaxmaya başladılar. Və bunu daha çox o şəxslər etdi ki... Sadəcə, lənət şeytana ki o insanların qəlbinə girib. Mən axı  düşüncələrimi Müsavat Partiyası adından səsləndirməmişdim. Belə şantaj, özünə dəyərsizlik baş ucalığı gətirmir axı. Hakimiyyət indiyə qədər yol verdiyi pisliklərin içindədirsə, bizdəmi elə olmalıyıq, elə düşünməliyik? Mən bu faciə pərdəsinin dövlətimin, xalqımın üzərindən götürülməsini istəyirəm. Hakimiyyətin xarakterini dəyişməsini, xalqımın  yanında olmasın istəyirəm. Hər bir vətəndaşımızın övladının xoş gününü görməsini arzulamışam. Bu məgər süngüiləmi qarşılanmalıdır? Süngü çəkənin birindən statusu oxuyub-oxumamasını soruşdum. Dedi oxumayıb. Dedim, bəs oxumadığın yazıya necə qiymət verirsən? Əminəm ki, o yazını oxumayıb rəy yazanlar az deyil. Bir qismi səbatsızdır, bir qisminə “yaz” deyiblər yazıb, bir qismi Müsavatı qaralamaq üçün yazıb. Bu mənim yazım, əzizlərim, şəxsi düşüncələrimdir.Yazılan qeyri-obyektiv tənqidlərə, şantajlara, qarayaxmalara baxmayaraq o yazımın üstündə dururam. Xalqını xoşbəxt, dövlətini varlı  ədalətli və firavan görmək istəyən bir vətəndaşın mövqeyidir. Qara niyətlərdən, kindən uzaq durun. Uzaq durun ki, qarşınıza çıxmasın. Əxlaqsız siyasətə, söyüşə “yox” deyin ki, həyatınıza, evinizə soxulmasın. Bu vətən bizimdir!”, - O.Kazımov qeyd edib.

Tarix: 2 Dekabr 2022, 08:11   
-->
Xəbər lenti
Çox oxunanlar

Ən son xəbərləri səhifəmizdən də izləyin