BURADA REKLAMINIZ OLA
BİLƏR

BURADA REKLAMINIZ OLA
BİLƏR

“Hərbçi”yə hökm oxundu

Abşeron Rayon Məhkəməsində vəzifəli şəxsin səlahiyyətlərini mənimsəmədə təqsirləndirilən Kirill Muradovun cinayət işi üzrə məhkəmə istintaqı başa çatıb.

 

Pravda.az-ın etdiyi məlumata görə, hakim Sevinc Quliyevanın sədrliyi ilə keçirilən prosesdə hökm oxunub.

 

Məhkəmənin hökmü ilə onun qazancından dövlət nəfinə 20 faiz pul tutulmaqla, 1 il 5 ay 22 gün müddətinə islah işləri cəzası verilib. Qeyd edilib ki, təqsirləndirilən şəxs barəsində seçilmiş başqa yerə getməmək haqqında iltizam qətmkan tədbiri hökm qanuni qüvvəyə minənədək dəyişdirilməsin.

 

İttihama görə, Gəncə şəhər sakini, 1997-ci il təvəllüdlü Kirill Muradov 2020-ci ilin fevral ayında özünü Müdafiə Nazirliyinin Kadrlar Baş İdarəsinin Əziz adlı baş leytenant hərbi rütbəsində olan hərbi qulluqçusu kimi təqdim edib. O, hərbi mağazaların birindən hərbi forma alıb geyinərək Abşeron rayonu, Masazır qəsəbəsində yaşayan Qabil Sarıyevin (şərti) hərbi xidmətdə olan oğlunu Ağcabədi rayonu ərazisində yerləşən Müdafiə Nazirliyinin “N” saylı hərbi hissəsində xidmət keçib, başqa hərbi hissəyə göndərilməyəcəyi barədə müvafiq əmr verilməsinə köməklik göstərəcəyi vədi verib.

 

Kirill Muradov həmin şəxsdən ümumilikdə 1800 manat alıb. Daha sonra o, həmin hərbi hissəyə zərərçəkmiş şəxs və onun arvadı ilə birlikdə baş leytenant hərbi rütbəsində forma geyinib andiçmə mərasiminə gedib. O, hərbi hissədə özünü Müdafiə Nazirliyinin Kadrlar Baş İdarəsinin əməkdaşı kimi, yəni özbaşına vəzifəli şəxs kimi təqdim edib.

 

Kirill Muradov məhkəmədə ona elan olunmuş ittiham üzrə özünü təqsirli bilib. O ifadəsində deyib ki, həmin pulları bir neçə günə şəxsi ehtiyaclarına xərcələyib.

 

Təqsirləndirilən şəxsin sözlərinə görə, bir müddət sonra Gəncə şəhərində xüsusi karantin rejimini pozduğuna və qanunsuz olaraq hərbi forma geyindiyinə görə onu Nizami Rayon Polis İdarəsinə aparılıb. Nizami Rayon Məhkəməsinin qərarı ilə barəsində 25 gün inzibati həbs tətbiq olunub.

 

Onun sözlərinə görə, 44 günlük Vətən müharibəsində iştirak edib və bir neçə medala layiq görülüb. Zərərçəkmiş şəxsə vurduğu ziyanı hissə-hissə tam olaraq ödəyib. Əməlindən peşmançılıq çəkir, yüngül cəza təyin olunmasını xahiş edib.

 

Kamal Məmmədov

Tarix: 2 Dekabr 2022, 08:35   
-->
Xəbər lenti
Çox oxunanlar

Ən son xəbərləri səhifəmizdən də izləyin