BURADA REKLAMINIZ OLA
BİLƏR

BURADA REKLAMINIZ OLA
BİLƏR

Deputat: “Rusiya və Azərbaycan arasında olan münasibətlərin inkişaf etməsini istəməyənlər xalqımızın düşmənləridir”

“Xarici işlər naziri Ceyhun Bayramovun Moskvaya səfəri çərçivəsində rusiyalı həmkarı ilə görüşdə Azərbaycanın Ermənistanla normallaşma prosesində Rusiyanın rolunu yüksək qiymətləndirdiyini deməsi radikal müxalifət tərəfindən tənqid olunur. Bu, başa düşüləndir. Birincisi, radikal müxalifət diplomatiyadan xəbərsizdir və müəyyən sifarişlərə uyğun olaraq Azərbaycan hakimiyyətini tənqid edir. İkincisi, radikal müxalifət Azərbaycan dövlətinin hansı uğuruna sevinərək müsbət münasibət bildirib? Təbii ki, heç vaxt. Çünki onlar Azərbaycanın dövlət müstəqilliyinin möhkəmlənməsində, inkişafının və siyasi sabitliyinin təmin olunmasında maraqlı deyillər. Ona görə ki, radikal müxalifəti maliyyələşdirən sifarişçilər Azərbaycanda dövlətçilik əsaslarının zəiflədilməsinə çalışırlar…”

 

Bu sözləri Pravda.az-a açıqlamasında Milli Məclisin deputatı Azər Badamov deyib.

 

Deputat Azərbaycan və Rusiya xarici işlər nazirlikləri arasında imzalanan Məsləhətləşmələr Planın tənqid edilməsinə isə belə münasibət bildirib: “Belə yanaşmanı tənqid edənlərin məntiqsizliyinin göstəricisi hesab edirəm. Məsləhətləşmələr Planı iki ölkənin XİN-i qarşıdan gələn ildə nəzərdə tutulan tədbirlər planıdır. Azərbaycanın qeyri-neft ixracının 90%-ə qədərinin Rusiya bazarlarına ixrac olunmasından, yəqin, radikalların xəbəri yoxdur. Onlar bilmirlər, ya da bilmək istəmirlər ki, Rusiya yaxın qonşumuzudur və 2,5  milyondan çox azərbaycanlı bu ölkədə yaşayır. Rusiyanın Ukrayna ilə münasibətlərinin gərgin olması Azərbaycanla Rusiya arasındakı münasibətlərə təsir etməməlidir. Düzdür, Rusiya sülhməramlılarının Qarabağda xoşagəlməz hərəkətləri bəllidir və dövlətimiz hər bir səviyyədə bununla bağlı öz etirazını bildirir. Amma Rusiya-Azərbaycan münasibətlərinin yüksələn xətlə inkişaf etməsi ölkələrimiz üçün vacibdir və bunu istəməyənləri xalqımızın düşməni hesab edirəm…”

 

Aytəkin Qardaşova

Tarix: 7 Dekabr 2022, 11:22   
-->
Xəbər lenti
Çox oxunanlar

Ən son xəbərləri səhifəmizdən də izləyin